Quote:
Originally Posted by shakuntala vyas
pita parmeshvar
yaad har pal aate hai vo apne
unke sach kiye humne sab sapne
kitna diya unhone hume gyan
unhi ki khatir hai apna maan
tyag kiya, hume jina sikhaya
tab hai jivan me satya samaya
ye jindagi unhi ki khatir hai
unki duao ki ab bhi jagir hai
unhi ke pyar se mili takat hai
jivan me sab hai aur rahat hai
mere sabse bade vo rajdar the
guru aur pita dono ke didar the
kese chale gaye yo akela karke
khayalo me rahte, sanso me baste
dr shakuntala vyas
|
Shakuntala jee,
Mata-pita har kisi ke liye peepal ki thaNdi chhao.N ke jaise hote hai.N aur fir betiya.N to pita ki laDli hoti hai.N.
yeh baat to ek pita aur ek beti hi samajh paati hai.
par vidhi ka vidhan kuch aisa hai ke aksar ye companionship toot jati hai aur kabhi kabhi to samay se bahut pehle.
aapki is rachna ne bahut kuch yaad dila diya.
vo beeta waqt jo ab kabhi nahi.N aayega.
kabhi nahi.N
Aapki rachna acchi lagi.
Jab maine apne pita ko khoya tha tab maine apne bhagvan se pucha tha,
" Taraste dil me.N ab koi aas nahi.N hai,
Baraste naino.N me.N ab koi pyas nahi.N hai,
Suni hai ye duniya teri saari,
kya khush hai? ab tu udas nahi.N hai?? "
Jawab aaya,
" Tu beti hai meri, maiN tere pas hi to rahuNga,
Kabhi saya kabhi maaNjhi ban,tere sath hi chaluNga..."
Aur yeh sach hai.
Vo humesha mere sath rehte haiN humesha.
Aapki rahcna ne bahut bhavuk kar diya,jaane kya kya keh rahi hooN.
ab chalti hoo.N,
God Bless You,
Apki Dost
Ritu