Quote:
Originally Posted by AHMAD SHAKIL
Dosto SDC Ke Tarahi Misra "Khwaab in aankhon se ab koi churaa kar le jaaye" Par Ye Ghazal Competition Ke Liye Submit Ki Thi..Magar ........ Yahan To Ye Competition Hee Khatam ho Gaya Hai... Ab Apni Ye Koshish Tamaam Arbaab-e-Zauq Ki Nazar Kar Raha Hun... Aap sab Ki Qeemti Raaye ka Intzaar Rahay Ga......
MUJHAY SEENAY SE LAGA KAR LE JAAYE
Aatish-e-Ishq Me Is Dil Ko Jala Kar Le Jaaye
Wo Kisi Rauz Mujhay Apna Bana Kar Le Jaaye
Kitna Purkaif Sa Manzar Ho Jo Ik Baar Kabhi
Dushman-e-Ja'an Mujhy Seenay Se Laga Kar Le Jaaye
Us Ka Dil Aik Amaanat Hai Mere Paas Magar
Us Se Bolo Ke Mera Chain Lauta Kar Le Jaaye
Sar-e-Bazaar Hain Bikhray Mere Dil Ke Tukday
Muft Ke Maal Ko Har Shakhs Utha Kar Le Jaaye
Kitna Khush Bakht Hai Wo Shakhs Jo Is Dunia Se
Ishq-o-Imaan Hifaazat Se Bacha Kar Le Jaaye
Khaar Ban Kar Ye Shab-o-Rauz Hain Chubtay Dil Me
Khwaab In aankhon Se Ab Koi Chura Kar Le Jaaye
Mere Harjaayi Ki Khwaahish Hai Ke AHMAD Us Ko
Minnaten Kar Ke Khataaon Ko Bhula Kar Le Jaaye
AHMAD ALI SHAKIL
|
Ahmad ji .... behad hi khoobsurat aur pur asar qalaam hai. khayaal, bayaan, rawaanee .... sabhi ke hisaab se shaandaar. sabhi sher ek se barhkar ek, par highlighted sher dil se sabse zyaadaa kareeb rahe. yun hi likhte rahiye aur apne fan ke taab o noor se bazm ko charaaghaan karte rahiye.