Ek khubsurat peshkesh zafar ki kalam se
Dil ki meri beqarari mujh se kuch pucho NahiN,
Shab ki meri ah-o-zari mujh se kuch pucho NahiN,
Bar-e-gam se mujh pe roz-e-hijr meaiN ik ik ghari ,
Kya kahuN hai kaisi bhari mujh se kuch pucho NahiN ,
Meri surat hi se bas malum kar lo ham-damo,
Tum haqiqat meri sari mujh se kuch pucho NahiN,
Sham se ta-subah jo bistar pe tum biN rat ko,
MaiN Ne ki akhtar-shumari mujh se kuch pucho NahiN,
Ai "zafar" jo hal hai.N mera karuNga gar bayaN,
Hogi uN ki sharm-sari mujh se kuch pucho NahiN,
pawan(shayari)