Quote:
Originally Posted by janumanu
Aslam bhayee ke liye kuch sher hue hai bat hi baat maiN.........
_____
jab kisi se wafaa karo aslam
aql se tum chala karo aslam
iska matlab nahi pata fir bhi
mujhko 'munshi' kaha karo aslam
ye meri aakhri ho raat bachi
itni si bas dua karo aslam
rooh meri hai zism maiN kiske
jo agar ho pata karo aslam
jo mere dil maiN, karne do, mujhko
tum bhale ho bhala karo aslam
dekho aise bikhar na jau maiN
yun na mujhko chuaa karo aslam
baat maiN hi sunu sune na koe
baat jab bhi kiyaa karo aslam
kya hai acha, buraa hai kya... chhodo
jo kahu maiN sunaa karo aslam
kya sitaro ki baat karte ho
chand hi choo liya karo aslam
fikr ka kya rahe.. rahe .. na rahe
Noor ho tum ziyaa,(jiya) karo aslam
|
Dear Vikas sabse pehle to dair se haaziri ke liyN maazrat, uske baad baat ghazal ki Yun to tumhe sdc par bhut pada hai aur tumhare khyalaat ki saraahna bhi ki hai jo khayaal laya karte ho unme bala ki nazakat hua karti hai yaani shayd baat bhut aaam si hoti magr jis taraH se usko bayaaN kia jaata hai wo usme kamaal hota hai, lakin abhse chand maah qabal jab meri tumse pehli mulaqaat huii aur tumne apna jadu dikhaana shru kia to meiN dang reh gaya tumhara ek sher jo mujhay ta hayaat yaad rahega
usse maangna tum na taaroN se hargiz
gira jo wahaN se mila hi nahi hai
qis qadar ki sada baat hai aur kitni aam fehem magr usko taraash kar yuN itni saadgi se keh daina shayd tumhare hi bas ki baat hogi usse bad kar ye baat ke jab ye sher tumhari zabaani suna to iska lutf yaqeenan dobala tha jo andaaz e bayaaN tum rakhte ho wo qabil e daad hai, tumhari is ghazal ka sher
iska matlab nahi pata fir bhi
mujhko 'munshi' kaha karo aslam
jab meiN tumhe sun raha tha (delhi mai) to jaane kyuN tumhare har sher par mujhay ek hi naam yaad aa raha tha "Munshi Prem chand" ajeeb sa tanz tumhare un halke halke nashtaroN mai tha jo tum apni saada si zabaan mai keh rahe they shayd tumhe khud bhi is baat ka andaza nahi ke tum mai kya sifat basera karti hai, whi maine tumhe bhut dheere se ek laqab dia "munshi" mohabbat mai dooba hua ye belos lafz maine tumhare liyN nahi kaha balke mujhay aisa laga ke jaise kisi ne kehelwaya ho mujhse
shayd ab tum is naam ka matlab jaan gaye hoge,
ghazal keh kar jo izzat tumhe mujhay di hai uska meiN qatii haqdaar nhi wo isliyN ke sirf sher keh laine se koi shayar nahi ho jata uske liyN ek ache insaan ki bhi zaroorat hua karti hai, tumhari mohabbat dil ki gehraaiyoN se sar e khm qubool bhut nawaazish is beshqeeti qadar ke liyN yuN hi likhte raho Allah kaamyaabiyoN se nawaaze aameen Allah kare zor e qalam aur ziyadaH
* waise kaii sheroN mai mujhay kahiN na kahiN romaniyat ki boo aa rahi hai :P
aslam