*Thaanii Thi Dil~Momin Khan Momin Jee**

[Shimul]

Thaanii Thii Dil Mein Ab Na Milenge Kisii Se Ham,
Par Keyaa Karein Ke Ho Gaye *Naachaar Jii Se Ham

*Helpless**

Ham Se Na Bolo Tum Isse Keyaa Kehte Hain Bhalaa,
Insaaf Kiije Pouchhte Hain Aap Hii Se Ham

Keyaa Gul Khilegaa Dekhiye Hai *Fasl-e-Gul* To Dour,
Aur *Suu-e-Dasht* Bhaagte Hai Kuchh Abhii Se Ham

*Spring**
*In The Direction Of Desert**

Keyaa Dil Ko Le Gayaa Koyii Begaanaa Aashnaa,
KyouN Aapne Jii Ko Lagte Hain Kuchh Ajnabii Se Ham


*Writer: Momin Khan Momin Jee**


*Keep Smilling.......**

[Daanish_ Hyd]

bahut achhi ghazal ki yaad taaza kar di aap ne . usi ghazal ke yeh do ash'ar bhi pesh haiN:
be roye misl-e-abr na nikla ghubaar-e-dil
kahte thhe un ko barqtabassum haNsi se hum
(yani jab tak hum abr ki tarah roye nahiN unke dil se ghubaar nahiN gaya,kyoN ke unki haNsi ko hum barqtabassum kahte thhe aur woh bura maan gaye...kis khoobsarti se is baat ko nibhaye haiN dekhiye)
in naatawaaniyoN pe bhi thhe khaar-e-raah-e-ghair
kyoN kar nikale jaate na us ki gali se hum
(naatawaaN=kamzor, khaar=kaanta, yani hum to ishq ki bimari se kamzor ho kar kaanta ho gaye, lekin unko yeh bhi manzoor nahiN thha kyoN ke ghair ka un ki gali meiN aamad-o-raft thha, aur raaste ka kaanta hata diya jaata hai)

khair andesh

[Shimul]

Originally posted by Daanish_ Hyd
bahut achhi ghazal ki yaad taaza kar di aap ne . usi ghazal ke yeh do ash'ar bhi pesh haiN:
be roye misl-e-abr na nikla ghubaar-e-dil
kahte thhe un ko barqtabassum haNsi se hum
(yani jab tak hum abr ki tarah roye nahiN unke dil se ghubaar nahiN gaya,kyoN ke unki haNsi ko hum barqtabassum kahte thhe aur woh bura maan gaye...kis khoobsarti se is baat ko nibhaye haiN dekhiye)
in naatawaaniyoN pe bhi thhe khaar-e-raah-e-ghair
kyoN kar nikale jaate na us ki gali se hum
(naatawaaN=kamzor, khaar=kaanta, yani hum to ishq ki bimari se kamzor ho kar kaanta ho gaye, lekin unko yeh bhi manzoor nahiN thha kyoN ke ghair ka un ki gali meiN aamad-o-raft thha, aur raaste ka kaanta hata diya jaata hai)

khair andesh

Dear Daanish Jee, Pehle To Main Mafhi Chahoungi Aapse~Der Se Aayi Houn...Ummeed Hain Aap Samajhenge...Ab Main Pehle Ki Tarah Reply Nahin Kar Sakti...! Jaun Eliya Jee Ki Likhhi Houi Ek Do Sher...: Ab Hamare Makaan Kis Ka Hai_Ham To Aapne Makaan Ke Thhe Hi Nahiin, Inko Andhii Mein Hii Bikharnaa Thaa.......**Aur Ab Dusri Sher Ka 2nd Misra Yaad Nahin Aa Rahi Hain...**Aap Jiss Ghazal Ki Ashar Likhhe Hain Woh Dil Ko Behadd Achchha Laga...Ummeed Karoungi Ki Aap Puri Ghazal Kisi Din Hum Sabhi Se Share Karenge~*~Dil Ki Gehraaion Ki Gehraaion Se Dher-o-Dher Saare Phoul_Shukriya **Aapko Parhkar Dil Ko Bohot Achchha Lagta Hain...Younhi Likhte Aur Samjhate Rahiyega...Dil Ko Khushi Hogi **Khush Rahiye ye Duwaaon ke saath ijaazat...**God bless You.