zindagi to zindagi bhar ajnabi rahi

['Saahil']

dosto!

ek aur ghazal pesh hai!



ik kadam hamne ye peeche gar hata liya
wo samajhte haiN ke hamne sar jhuka liya

teergi jab teer see chubhne lagi hameN
yaad ka dil maiN teri, deepak jala liya

zindagi to zindagi bhar ajnabi rahi
ek pal maiN maut ne apna bana liya

bandagi hamne to ki dair-o-haram bagair
moond ke aankhen kahiN bhi sar jhuka liya

khud ke baare maiN wo sabse poochta raha
haath maiN usne na lekin aainaa liya

hans ke usne aapse ki dillagi zara
aapne 'saahil' na socha, dil laga liya !


shukriya.........

teergi = andhera
dair-o-haram = mandir aur masjid