Aye ghazal ...............

[Hamdam]

aye ghazal tu meri humnawa bhi meri humraz bhi ,
her roz tujh se hoti nayi soch ki aghaz bhi.

tujh meiN dhoondta huN apni khushiyaN aur gamee,
tujh se roobaru rehte mere sab andaz bhi

teri gehrayee meiN akser doob jaata huN agar,
tere ehsaason meiN payee ek bulund parwaz bhi

teri maujoN meiN mili mujhko sagar si hulchal,
jo kinare pe takra ker ho jati sarfaraz bhi

waqt ke chalte badal jaate haiN tere ashiq sada,
likne walon ke likhne ka badalta raha riwaz bhi.

tujh meiN mohabbat aur usse judi ruswaee chupi,
tu hi meri badagi aur tu meri mumtaaz bhi