Kuchh To Ehsaas-e-ZiyaaN Thaa Pehle
Dil Kaa Ye Haal KahaaN Thaa Pehle
Ab To Manzil Bhii Hain Khud Garm-e-Safar
Harr Qadam Sang-e-NishaaN Thaa Pehle
Safar-e-Shauq Ke Far_Sang Na Pouchh
Waqt Beqaid-e-MakaaN Thaa Pehle
Ye Alag Baat Ki Gham Raas Hain Ab
Iss Mein Andeshaa-e-JaaN Thaa Pehle
YouN Na Ghabraaye Houe Phirte Thhe
Dil Ajab Kunj-e-AmaaN Thaa Pehle
Ab Bhii Tuu Paas Nahiin Hai Lekin
Iss Qadar Dour KahaaN Thaa Pehle
Dere Daale Hain Bagolon Ne JahaaN
Uss Taraf Chashm-e-RavaaN Thaa Pehle
Ab Woh Dariyaa Na Bastii Na Wo Log
Keyaa Khabar Kaun KahaaN Thaa Pehle
Harr Kharaabaa Ye Sadaa Detaa Hai
Main Bhii Aabaad MakaaN Thaa Pehle
Keyaa Se Keyaa Ho Gayi Duniyaa Pyaare
Tuu Wahiin Par Hai JahaaN Thaa Pehle
Ham Ne Aabaad Kiyaa Mulk-e-SuKhan
Kaisaa Soun-Saan SamaaN Thaa Pehle
Ham Ne BaKhshii Hai Khamoshii Ko ZubaaN
Dard Majbuur-e-FuGaaN Thaa Pehle
Ham Ne Rowshan Kiyaa Maamor-e-Gham
Warnaa Harr Simt Dhouyaan Thaa Pehle
Gham Ne Phir Dil Ko Jagaayaa "Nasir"
Khaanaa_Barbaad KahaaN Thaa Pehle
*Writer: Nasir Kazmi Jee**
*Keep Smilling.......
**