apni-apni manzil

meetu20012 · **apni-apni manzil -** 12th July 2003, 10:29 AM

Hello! Friends .I have few lines, like to share with all of u . hope u like it.

Dil per kisi ka koi aaser nahi nahi hota
Koi apni zindagi sey yun bekhaber nahi hota
Kyon is tereh sey udaas rehta hai-e-dil
Koi kisi ka hamesha to rehber nahi hota
Ager vishwaas hi nahi hai mujhey uss per to
Duaon ka bhi koi asser nahi hota
Jahan sey chaley thee wahi aa pahunchey
Aisa to zindagi ka safer nahi hota
Pyar,mahobbat dil -e- sakoon bhi to zaruri hai
Int-gaar sey koi munkaa ghar nahi hota
Sabki apni apni manzil hoti hai
Sath chalney sey koi humsafer nahi hota!

Aam_aadmi · 23rd July 2003, 03:31 PM

Dil jab kiska Udaas ho
Kissi ki yaad tak na pass ho
Jindagi se door jaane ko Dil karta hai
Na jaane kyoon

Afshan · 23rd July 2003, 04:02 PM

Sabki apni apni manzil hoti hai
Sath chalney sey koi humsafer nahi hota!

Bohat khoob likha hai aapne meetu ji.. maaf kariyega.. nazar zara der se paRi.. Apne jis khoobi se apne jazbaat bayaan kiye hain... waqai.. mehsus hota hai apka dard...

Aam Aadmi ji, apne bhi jo sher kaha hai.. sach hi kaha.. aksar ji karta hai bas, ab ye zidagi, ye matlabi duniya chhod kar chale jao.. naahi hume iski zaroorat hai, aur naahi ise humaari.. magar akhir hum insaan hi hain.. jeena chahte hain.. isi liye, umeed ki ek kiran hi aksar kaafi hoti hai.. ek nayi aas bandha jaane ke liye.

Khair.. aap dono ne bohat khoob likha hai... tareef kubool kijiyega..

Shimul · 23rd July 2003, 04:21 PM

Meetu Jee, Acha laga parke. Dard ka ahsaash bhi hui.
Waise ek nazar ki sirf baat hoti hein, kyu?
Likhte rahiyega. Thanks for sharing. Take care.
God bless.
Shimul.

prem_tanha · **waah -** 23rd July 2003, 08:16 PM

Dear shimul ji,

waah kya khoob likha hai.. lekin kisi par kitna beleive kiya jaaye ..

Sabki apni apni manzil hoti hai
Sath chalney sey koi humsafer nahi hota!

bahut khoob.. aur likhiyega.

Prem

manoj kureel · **Re: apni-apni manzil -** 23rd July 2003, 08:45 PM

Sabki apni apni manzil hoti hai
Sath chalney sey koi humsafer nahi hota! ...

wah...bahot khub likha hai aapne meetu ji.seedhe dil se nikla hai aapka kalaam.sabki apni apni manzilen hoti hai bas rahon mein kabhi koi mil jata hai kuch samay ke liye humsafar ban kar...bahot sacha likha hai aapme...ek sher yaad aa gaya..

manzil na de charaaG na de hausalaa to de
tinke kaa hii sahii tu magar aasaraa to de

keep writing & take care

-Manoj kUreel

meetu20012 · 24th July 2003, 09:54 AM

here i would like to tnx all of u ...
manoj ji,prem_tanha,shimul ,banno &aam_aadmi ji

dil kyon kissi ka udass ho, yaad nahi to na sahi
zindagi to pass hai
phir kyon dil na kahey yanhi hai..jo bhi hai ...yahi hai wo!

mein_aur_tanhai · 24th July 2003, 05:38 PM

namaste.. .meetu ji..

wah yar..bahut khoob likha hai apne.. .waise kahan the itne din yar.....mehfil mein too app dikhe hi nai ....bahut khoob likha hai apne... dil ko chu gaya.

aise hi likhte rahiye ga.. aur mehfil sajate reahiyega..

bye ..and take care..

Aam_aadmi · 26th July 2003, 12:47 PM

Door bahot hain woh ,par pass hone ka ehsaas dilate hain
Pyaar chupp chupp ke karte hain,laboon pe kuch na late hain
Taa jindagi ise baat ke intezaar meine guzaar doonga
Ek baar to kaheine kuch,hans ke yehe jaan bhi waar doonga

meetu20012 · 26th July 2003, 02:06 PM

Ger ehsaas hai us pyaar ka tho
Is jaan ko us jaan ki amant samjh
Ek waqt ayega jab duriyaan dur hongi
Bes waqt-E- chaaht per aitabaar rekh!

Aam_aadmi · 26th July 2003, 02:11 PM

Meetu jee bahot hi badiya likha hai aapne
Par kuch meine bhi likhna chaoonga iske jawab meine

"Rakhte hain hum ehsaas bhi pyaar ka
Aitbaar hai unke ise iqrar pe bhi
Par kambhakht ise dil ko kaun samjhaye
taqta hai Jo har pal raasta unka
Reheta hai har pal yoon beqrar bhi"

dil_e_sikast · 26th July 2003, 02:24 PM

Meetuji
apni is chhoti si rachna me aapne jindagi ke kitne hi aise sach likh diye jinhe samajte samajte puri umra bit jati hai.,

wakayee aapki jitni taarif ki jaye kam hai.
i really appreciate ur thinking
thanks for sharing
bbye n take care
SaNaM

kshitiz · 26th July 2003, 11:05 PM

Aam aadmi ji ..

Rakhte hain hum ehsaas bhi pyaar ka
Aitbaar hai unke ise iqrar pe bhi
Par kambhakht ise dil ko kaun samjhaye
taqta hai Jo har pal raasta unka
Reheta hai har pal yoon beqrar bhi"

Aihsaas pyaar ka hai to juzba E pyaar bhi hoga
YooN hi sochega ya kabhi kurbaan bhi hoga

raaste pe nigah jamane wale nazariN utha kar dekh
manziloN ki khwaish hai to humsafar mehabaan bhi hoga

Tu raasta badal jata hai dhoop chanv me .. kabhi
Sath Sath chal to teri rahoN me aihtaraam bhi hoga

Ilzaam dena aasan hai safaiyoN ki peshaangi mushkil .
Shikayat se bahar nikal tujhe zamane ka sallam bhi hoga

Ye javab kaisa laga bataiyega zaror ..

madhegum · 27th July 2003, 09:43 PM

Kshitiz sahab aap ke liye bura mane sirf aap ke liye aur mein koi fight nahin kar raha par ek ghazal yaad aayi to suna raha hoon..
aur Aam aadmi jii aap ke liye bhi hai ye mein chahuga aap dono is ko jaroor pade...

hum bhi khud dushman-e jaaN thay pehle
tum magar dost kahaN thay pehle

ab wahaN khaak ooratee hai khizaaN
phool hi phool jahaaN thay pehle

ab jo deewar bunay baithay hain
soorat-e mooj rawaaN thay pehle

kuch sharabee keh hein ab rah nasheeN
ronaq-e buzm-e maghaaN thay pehle

hum keh hein aaj ghobaar puss-e ro
munzil hum sufraaN thay pehle

ab kise waza-e mohabbat ka khayal
aur hi loag yahaan thay pehle

ab to khudh per bhi nahin zaam-e wafa
tujh se hum shikwa kinaaN thay pehle

bun gya kafla chaltay chaltay
wurna tunha hi rawaan thay pehle

dolat-e ghum tau moyashar thi 'SAHIL'
itne muflis bhi kahaan thay pehle

Aam_aadmi · 28th July 2003, 09:56 AM

Mr. Kshitiz and madhegum....you replies were excellent.I think I am not a good shayar like you both ..just an amateur one..But will try to learn from you
.......Thanks and keep the spirit of this forum up like this only......

" Ine band ankhoon meine to khwaab sabhi rakhta hain
Humne bhi rakhe to kya gunaah kiya
Ilzaam bewafai ka to woh bhi dete hain bahot
Kayar humeine Dostoon ne kaha to kya gunaah kiya
Sath unka abhi tak humeine Gawara na hua
Humne unki parchayeeioon se pyaar kiya ,to kya gunaah kiya
Abe hosh nahin hai humeine ise jamane ka
Kar liya hai pyaar unse ,bus Yahi ek Gunaah kiya"

meetu20012 · 28th July 2003, 10:03 AM

well! tnx all of u to post urs excelent replies here:
"maana hasratein dil pe aaj durioon ka pehra hai
ger ehsaas ho to kar lo mehsoos
yeh vo jazbaa hai jo lafzo mein samjhaya nahi jata!!!!!!"

Aam_aadmi · 28th July 2003, 10:17 AM

Thats beautiful lines meetu ...no more replies
will treasure them....

kshitiz · 29th July 2003, 08:50 PM

Aam aadmi ..

Dost .. It was not intentionally, i was just trying to say something, tru my ghazal if u mind tht i m really v sorry .
Well .. U write v well, Keep it up .

Gum ki khwaish ho to shamma se jalna sikho
janaaz E hasratoN se roz guzarna sikho

hasti E zakhm mohabbat ki bhool jaoge
Gar zamaaane se haQikat ka fasana sikho

Har tamanna dua ban kar khuda tak jayegi
Har tamanna me pahle khud ko jalana sikho

Shimul · 29th July 2003, 09:14 PM

Dear Kshitiz, keya khub likhha hein aapne.
Bohot achha laga parke. Waise aapka jabab nehi.
Aapna khayal rikhiyega. God bless.
Shimul.

Aam_aadmi · 30th July 2003, 10:34 AM

Hey come on Kshitiz sahab ,abe aap mujhe sorry kehe ke sharminda kar raheine hain,are mehfil aise hi banti hain aur sher aise hi ubharte hain.....Are isi sawal aur jawab ke darmiyaan dekho humne meetu jee ka poora forum sher se bhar diya.
Don't feel any regrets...yehe to shero shayri ka andaaj tha.agar meri wajehe se aapko bura laga to meine maafi chahta hoon..