Dareeche Se Jhankti Wo Larki Ajeeb Dukh Se Bhari Hui He,

ye meray dil ke buhut qareeb hai aesay lagta hai mujh per likhi gayee ho mujhay yaqeen hai aap ko bhi pasand aaye gi



Dareeche Se Jhankti Wo Larki Ajeeb Dukh Se Bhari Hui He,
K Is k Aangan Me Phull Par Ek Neelii TiTli Mari Hui He



Kabhi Azanon Me Khoi Khoi , Kabhi Namazon Me Roi Roi,
Wo Esey Dunya Ko Dekhti He K Jesey Is Se Dari Hui He



Durood Se Mehki Mehki Sansen,Wazifa Parhti Hui Wo Ankhen,
K Ek Shamma-e-Umeed Un Me, Kai Baras Se Dhari Hui He



Wo Dukh Ki Chadar Me Lipti Lipti,Wo Kaley Kapron Me Simti Simti,
Muhabbat Us Ne Kisi Se ,Shayad Meri Tara Hi Kari Hui He



Barey Zamanon K Baad Barsi Hain Meri Aankhen Kisi Ki Khatir,
Bare Zamano K Baad Dil Ki Zameen Phr Se Hari Hui He


(Not Mine)