chakhane kaa mazaa aur hai piine kaa mazaa aur (Shakeel Badayuni)

[maikasH]

tamhiid-e-sitam aur hai takamiil-e-jafaa aur
chakhane kaa mazaa aur hai piine kaa mazaa aur

[tamhiid = beginning; takamiil = completion/fulfilment]

taasiir to taasiir tasavvur hai gurezaa.N
raato.n ko zaraa maa.Ngiye uTh uTh ke duaa aur

[taasiir = result/effect; tasavvur = imagination]
[gurezaa.N = fleeing]

dono.n hii binaa-e-kashish-o-jazb hai.n lekin
naGmo.n kii sadaa aur hai naalo.n kii sadaa aur

[binaa-e-kashish-o-jazb = reasons/basis for attraction]
[naalaa = wait/loud cry]

Takaraa ke vahii.n TuuT gaye shiishaa-o-saaGar
maiKhvaaro.n ke jhurmuT me.n jo saaqii ne kahaa aur

[jhurmuT = crowd]

vo Khud nazar aate hai.n jafaao.n pe pashemaa.N
kyaa chaahiye aur tum ko "Shakeel" is ke sivaa aur

[jafaa = oppression/injustice; pashemaa.N = ashamed]

Shakeel Badayuni

[sunita thakur]

Wahh waaahhhhh janab

Chakhne ka majja aur hai peene ka majja aur.....bhut mast baat hai

Shukriya aapne yeh ghazal ham sabke saath share ki