jeene ki kala -
5th September 2010, 09:49 PM
jeena ek kala hai pyare
sang jamane jee le
main jaanu tera jakham hai gehra
par hothon ko see le
in par ik muskaan sajaa le
jahir piyale pee le
jeena ek kala hai pyare
sang jamane jee le
man ka darad bataayga
to suun to legi dunia
par fir tere peetth modhte
khoob hansegi dunia
jeewan ka hai saraansh ye
seekh tu is se le le
jeena ek kala hai pyare
sang jamane jee le
sang dil ye tez jamana
chehron ko padh leta
aankhon se bhi chura le jaata
raz ye tere dil ka
man ke bhav tu man me chhupa le
aur aankhon ke rang bata le
ashak bhi apne pee le
jeena ek kala hai pyare
sang jamane jee le
maange se na kuchh bhi milta
bin maange mil jaata
uska jeena bhi kya jeena
huk jo chheen na paata
sar ko jhuka na aur jhukega
sar ko utha ke jee le
jeena ek kala hai pyare
sang jamane jee le
path par kaante bahut hain tere
par manjil par jaana too.ne
dar na jatilata se jeewan ki
isko saral banana too.ne
pasat na hone paye honsle
khud ka sahas khud hi juta le
jeena ek kala hai pyare
sang jamane jee le
main jaanu tera jakham hai gehra
par hothon ko see le
Last edited by Rashmi sharma; 5th September 2010 at 09:52 PM..
|