DaaG Dehlvi -ajab apanaa haal hotaa jo visaal-e-yaar hotaa -
13th October 2005, 10:55 PM
ajab apanaa haal hotaa jo visaal-e-yaar hotaa by Daag Dehlvi
--------------------------------------------------------------------------
ajab apanaa haal hotaa jo visaal-e-yaar hotaa
kabhii jaan sadaqe hotii kabhii dil nisaar hotaa
na mazaa hai dushmanii mein na hai lutf dostii mein
koii Gair Gair hotaa koii yaar yaar hotaa
ye mazaa thaa dillagii kaa ke baraabar aag lagatii
na tumhein qaraar hotaa na hamein qaraar hotaa
tere waade par sitamagar abhii aur sabr karate
agar apanii zindagii kaa hamein aitabaar hotaa
"Roz Kii Taraah Aaj Bhii Taare
Subha Kii Gard MeiN Naa Kho JaayeiN
Aa ! Tere Gham MeiN Jaagtii AankheiN
Kam Se Kam Aik Raat So JaayeiN."
**~*FaRhAnA*~**
|