Some poetry of Majid Deobandi

[Parwaazz]

amn kaa jo paiGaam sunaane vaale hai.n
galiyo.n galiyo.n aag lagaane vaale hai.n

tum le jaao nezaa Khanjar aur talvaar
ham maqtal me.n sar le jaane vaale hai.n

zulm ke kaale baadal se Daranaa kaisaa
ye mausam to aane jaane vaale hai.n

biimaaro.n kaa ab to Khudaa hii haafiz hai
saare masiihaa zahar pilaane vaale hai.n

jaan bachaane vaale to sab hai.n lekin
ab kitane imaan bachaane vaale hai.n

ham ko un valiyo.n kii nisbat haasil hai
dasht ko jo gul_zaar banaane vaale hai.n

bhuukaa rah ke saa_il ko Khairaat jo de
ham bhii 'Majid' usii gharaane vaale hai.n

[saa_il = beggar]


************************************************** ********

saaman-e-tijaarat meraa imaan nahii.n hai
har dar pe jhuke sar ye merii shaan nahii.n hai

[tijaarat = trade]

har lafz ko siine me.n basaa lo to bane baat
taako.n me.n sajaane ko ye quraan nahii.n hai

[taak = shelf]

allaah merii rizq kii barakat na chalii jaaye
do roz se ghar me.n ko_ii mahamaan nahii.n hai

[rizq = subsistence/daily bread; barakat = abundance/good fortune]

ham ne to banaaye hai.n samandar me.n bhii raste
yuu.N ham ko miTaana ko_ii aasaan nahii.n hai

jis ko buzurgo.n kii rivaayat na rahe yaad
us shaKhs kii logo.n ko_ii pahachaan nahii.n hai

[buzurg = elder]


************************************************** ************

[Parwaazz]

Aik pyaara sa geet Majid Deobandi sahab ka............

Main tere husn ko naghmat ke saanche mein dhalunga
Tujhe tujhse chura loonga, tujhe tujhse chura loonga
Tujhe tujhse chura loonga, tujhe tujhse chura loonga
Tujhe tujhse chura loonga, tujhe tujhse chura loonga

Fazayen noor mein doobe hawaon mein mehak jaage
Zamana sar jhukayega hamare pyar ke saamne
Har ek rusvai se daman ko tere main bacha loonga
Tujhe tujhse chura loonga, tujhe tujhse chura loonga

Yeh tere jism ki khushbu yeh tere zulf ke saaye
Meri baahon ke halke mein kabhi ae kaash tu aaye
Teri sanson ki garmi ko main saanson mein basa loonga
Tujhe tujhse chura loonga, tujhe tujhse chura loonga

Jo tera saath mil jaaye dikha doon main zamaane ko
Mukammal kar ke aapne rangeen fasaane ko
Kitab-e-zeesht ka apni tujhe unwaan bana loonga
Tujhe tujhse chura loonga, tujhe tujhse chura loonga

Dara sakti nahi duniya mujhe auron salasil se
Guzar jaaonga hanste tha khelta yaaron marahil se
Wafa ki raah mein ‘Majid’ main hasti ko mita loonga
Tujhe tujhse chura loonga, tujhe tujhse chura loonga

Pic of Majid Deobandi

[Parwaazz]

Humne eh kahi padha tha aap logon ke saath share kar rahe hai......
Aap log ko bhi achcha lagega ehi ummid......

Janaab-e-aali, main guzashta roz yeh Majid Deobandi sahab ka geet mushaira mein jo unhone pesh kiya tha aur beech beech main samain aur nizam-e-mushaira Naseem Nikhat sahiba se bol baant ka yeh bayan ko mukammal anjaam nahi de saka – waqt ki killat thi. Main aaj ise pura kar deta hoon. Yeh bhi hain ke yeh ek aur mubarak maqaam pe aa raha hai….. Ho sakta hai aap ko yeh padhne se pehle, pehli kisht par nazar deni hogi
Majid Deobandi: Aur hazraat yeh band bhi (Taliyan)
: Bahut shukriya hazraat

Jo tera saath mil jaaye dikha doon main zamaane ko
Mukammal kar ke aapne rangeen fasaane ko
Kitab-e-zeesht ka apni tujhe unwaan bana loonga

Tujhe tujhse chura loonga, tujhe tujhse chura loonga
Nassem Nikhat sahiba: Wah wah kya kehne


Majid Sahab: Kitab-e-zeesht ka apni tujhe unwaan bana loonga
Tujhe tujhse chura loonga, tujhe tujhse chura loonga
Main tere husn ko naghmat ke saanche mein dhalunga
Tujhe tujhse chura loonga, tujhe tujhse chura loonga

Majeed sahab : Hazraat ek to main yeh geet nahi padhta aur agar kahi padhta hoon to mukammal nahi padhta. Lekin aaj mahaul itna khoobsoorat bana. Maqte ka band pesh kar raha hoon main geet ko mukammal karne ko. Shayd yeh aap tak na pahuncha ho cassette ke hawaale. Main pesh karta hoon.

Dara sakti nahi duniya mujhe auron salasil se

: Adaab
Guzar jaaonga hansta khelta yaaron marahil se
Wafa ki raah mein ‘Majid’ main hasti ko mita loonga
(Taaliyan)
Nassem Nikhat sahiba: Acha hai

Majid: Wafa ki raah mein ‘Majid’ main hasti ko mita loonga
Tujhe tujhse chura loonga, tujhe tujhse chura loonga
Main tere husn ko naghmat ke saanche mein dhalunga
Tujhe tujhse chura loonga, tujhe tujhse chura loonga
Tujhe tujhse chura loonga, tujhe tujhse chura loonga
Nassem Nikhat sahiba: Ameen

Majid: Tujhe tujhse chura loonga, tujhe tujhse chura loonga
(Zordaar taliyan)
Naseem Nikhat sahiba: Majid sahab. Bhai Majid sahab. Mujhe to aapke aur inke beech bolne ki himmat nahi.
(Hangaama jaari hai….taliyan aur daad)

Naseem Nikhat sahiba: Ab aapke aur inke beech mein koi nahi aa sakta. Yahan tak ke main bhi nahi. Jo bhi chahe karen aap.
Majid: Hazraat, aaj ki nazim-e-mushaira Naseem Nikhat sahiba bahut mmod mein hai. Aur jab maine kaha “Tujhe tujhse chura loonga” to inhone kaha ameen aur main khush hua ke meri dua fauran qabool ho gayi.
(Samain ke haansi)
: Berhaal hazraat yeh to mushaira hai. Mushaira hi zindagi ja naam hai. Mushaira hi zindagi ja naam hai.
: Baaqi hamlog bahut shareef hai. Sha’ir aur shairaat ko kabhi ghalat mat samjhiyega.

Nassem Nikhat sahiba: Bhayi aap ne kaha to koi baat nahi. Ab aajkal zamaane hai media itna fast ho gaya hai. Abhi raat mein mushaira ho raha hua hain aur subah tak Dehli mein khabar chap jayegi. Agar aapki biwi ne yeh sun liya TV par ya akhbaar mein padh liya. Mujhe kuch nahi mere shauhar to yahan pe maujud hai. Aap jaane aur aapki biwi jaane. Aur aap dua karen khair ki.
(Samain ki taaliyan)
Majid: Bahut bahut shukriya Naseem sahiba. Maine apne bachon ka baat adiya tha ke aap ki khala-jaan mushaira ki nizamat karengi aur main unse yehi sab kahunga.
(Samain ki taaliyan)
Nassem Nikhat sahiba: Mujhe koi pareshani nahi hai. Aap sab gawah hai. (Hanste huye) Berhaal Khala hi to hain…..
Majid: Chaliye hazraat, baatein bhi ho gayi. Hamlog hans be liye. Ab main ghazal padhta hoon………
Aur bas yehi tha…………… Umeed aap sab ko yeh pasand aayega

[naresh_mehra110]

Nice Sharing........Parwaaz Sahab ! Thanks !

[Parwaazz]

Thanks Naresh jee for reading it.................