Ahmad Faraaz Ji
Souna hai log ousse ankh bhar ke dekhte hein
Souna hai log ousse ankh bhar ke dekhte hein
so ouss ke shahar main kouch din thahar ke dekhte hein
Souna hai rabt hai ouss ko kharaab haalon se
so apne aap ko barbaad karke dekhte hein
Souna hai dard ki gaahak hai chashm-e-naazuk ouss ki
so hum bhi ouss ki gali se guzar kar dekhte hein
Souna hai ouss ko bhi hai sher o shayri se shagaf
so hum bhi mojaze apne hunar ke dekhte hein
Souna hai bole to baaton se phoul jhaDate hein
ye baat hai to chalo baat kar ke dekhte hein
Souna hai raat ousse chaand taktaa rehta hai
sitare baam e falak se outar kar dekhte hein
Souna hai hashr hein ouss ki gazaal si ankhein
souna hai us ko hiran dasht bhar ke dekhte hein
Souna hai din ko ousse titliyan sataati hein
souna hai raat ko jugnu thahar ke dekhte hein
Souna hai raat se baDh kar hein kaakulein ouss ki
souna hai shaam ko saaye gouzar ke dekhte hein
Souna hai ouss ki siyaah chashmagi qayaamat hai
so ouss ko surmafarosh ankh bhar ke dekhte hein
Souna hai ouss ke labhon se goulaab jalte hein
so hum bahaar par ilzaam dhar ke dekhte hein
Souna hai aainaa tamasaal hai jabin ouss ka
jo sada dil hein ban sanwar ke dekhte hein
Souna hai jab se hamaail hein ouss ki gardan main
mizaaj aur hi laal o gauhar ke dekhte hein
Souna hai chashm e tasavvur se dasht e imkaan main
palang zaave ouss ki kamar ke dekhte hein
Souna hai ouss ke badan ke taraash eisse hein
ke phoul apni qabaayein katar ke dekhte hein
Wo sarv-qad hai magar be gul e muraad nahin
ke ouss shajar pe shagoufe samar ke dekhte hein
bas ek nigaah se loutataa hai qaafilaa dil ka
so rah_ravaan e tamanna bhi dar ke dekhte hein
Souna hai ouss ke shabistaan se muttasil hai bahisht
makiin udhar ke bhi jalve idhar ke dekhte hein
Rouke to gardishein ouss ka tavaaf karti hein
chale to ouss ko zamaane thahar ke dekhte hein
Kiss naseeb ke be pairahan ousse dekhe
kabhi kabhi dar o deewaar ghar ke dekhte hein
Kahaniyaan hin sahi sab mubaalage hi sahi
agar wo Khwaab hai taabeer kar ke dekhte hein
Ab ouss ke shahar main thehrein ki kouch kar jaayein
“Faraaz" aao sitare safar ke dekhte hein…
Amanush...