Quote:
Originally Posted by Mujahid Ali
Merey ashaar dil ki tarjumaani hai
Yehi meri sadaaqat ki nishaani hai
Nahi alfaaz ke kuch keh saku yaaro
Badi pecheeda ye gham ki kahaani hai
Zara mohtaati se apna qadam rakhna
Bohat naazuk sanam daur-e-jawaani hai
Bharosa zindagi ka kuch nahi yaara
Kab aaye maut voh pal naaghaani hai
Agar ho zindagi mehroom khushiyo se
Ye bhi kya koee yaaro zindagaani hai
Zyada toh nahi par kuch toh dekha hai
Jo bhi dekha khuda ki mehrbaani hai
Hue barbaad kitney ishq mai humdum
Mujhe toh bakht lekin aazmaani hai
Har aafat ka na daalo zimma insaaN par
Kuch aandhi toh balaaiye aasmaani hai
Mujhey hasta hua dekha hai logo ne
Magar dil mai bohat se gham nihaani hai
Mujahid hai parastaar-e-mohammad hi
Magar dil se faqat hindustaani hai
FEW MEANINGS
Sadaaqat= honesty
Mohtaati= cautiously
Naaghaani= unpredictable/sudden
Bakht= fate/destiny
Nihaani= hidden
Parastaar-e-mohammad= follower of prophet Mohammad PBUH
|
bahut ummdaa kalaam bazm ko pesh kiyaa hai aapne janaab.....
tahe dil se daad qubool kijiye
khush rahiye , salaamat rahiye
Shaad...........