Quote:
Originally Posted by sameer'shaad'
main shaaKh se TooTaa huaa pattaa bhi nahiN thaa,
us bewafaa ne mujh ko jo dekhaa bhi nahiN thaa.
yaadoN ka terii main nashaa kartaa tha raat din,
naa jaagtaa tha aur main sotaa bhi nahiN thaa.
wo log aur hain jo tujhe dekhte hain jaaN,
apne naseeb me tiraa saaya bhi nahiN thaa.
dekhaa bhare bazaar me to Thahre ek pal,
phir muD ke yoon baDhe ke main sochaa bhi nahiN thaa.
barbaad hue ishq me, kuch husn ke peeche,
pahli mohabbatoN me kuch aataa bhi nahiN thaa.
jaa kah de naamabar usey ham kooch kar gaye,
jab tak thi jaaN , aye jaan tuu aaya bhi nahi thaa.
Qaasid bataa raha tha ke wo barbaad ho gayaa,
aur main samajh raha tha ke wo royaa bhi nahiN tha....
Shaad...
|
Kya baat bahot khoob shaad sahab....tamaam ashaar behad Khoobsurati se pesh kiye hai AAPne. Par matla khud me lajwaab Raha kya kahne...ishq aur Dard AAP hamesha hee apni ghazal me bakhoobhi se pirote hain umda hamesha ki tarah.....daad qubool kijiyega...
Likhte rahein shaad rahein ......
Dher sari duayein..
Madhu