ghazal - pakistaani shayar mahboob khizaaN -
26th January 2013, 01:09 PM
Adaab dostoN
Mahboob khizaaN. Saaheb ki ek ghazal mujhe behad pasand hai to bas socha aap saahebaan ke saath bhi iskii gahraaiyoN meiN saaNs le..
'
Hum aap qayaamat se guzar kyuN nahi jaate
Jine ki shikaayat hai to mar kyuN nahi jaate
Katraate haiN balkhaate haiN ghabraate haiN kyuN log
Sardii hai to paanii meiN utar kyuN nahi jaate
AaNkhoN meiN chamak hai to nazar kyuN nahii aati
PalkoN pe guhar haiN to bikhar kyuN nahi jaate
Ye baat abhi mujhko bhi maloom nahi hai
PATTHAR IDHAR AATE HAIN UDHAR KYUN NAHI JAATE
teri hi tarah ab ye tere hijr ke din bhi
jaate nazar aate haiN magar kyuN nahi jaate
Ab yaad kabhi aaye to aaine se poocho
Mahboob khizaaN shaam ko ghar kyuN jaate
|