Wo zakhmoN ke tohfe diye jaa rahe haiN -
14th August 2016, 04:35 PM
Ye ehsaan khud per kiye jaa rahe haiN
Ke hum zindegi ko jiye jaa rahe haiN
Mohabbat se maanga mohabbat kisi se
Wo zakhmoN ke tohfe diye jaa rahe haiN
Ye matlab ke rishte, ye zaalim zamaana
Hai dushwaar jeena ...jiye jaa rahe haiN.
Nibhayenge kaise zara ye bata deiN
Jo waadoN pe waade kiye jaa rahe haiN.
Wo ghairoN se waade,wafa ke iraade
Sitamgar meri jaaN liye jaa rahe haiN
Ajab shaam e gham hai, ajab maikashi hai
Ke AshkoN ke pyale piye jaa rahe haiN
Na shikwa kisi se, jafaa ka hai Zainy
Ke hontoN ko apne siye jaa rahe haiN.
ZAINY
Zainy
PalkoN ki baand ko tod ke daaman pe aa gira
Ek aaNsu mere zabt ki tauheen kar gaya...
Nm
|