Wo ek Chehra

[Chaand]

Wo abtak weisi hi dikhti hai
Kuchh Khaamosh or kuchh
khafa-khafa is jamaane se,
Mujhe aaj bhi mushkil lagta hai
Un nigaahoN ko parh paana
Kisi na kisi bahaane se,

Mai aksar theher sa jaata hooN
Uski ek shaaleen Shakshiyat se,
Ik umr ho gai hamne abtak
Koi muskaan hi nahi dekhi us pat.thar pe,
Vaise ye nazreiN bhi kahaaN mil paati haiN
Uski us paak nazar se,

Jaane kya baat hai
Par koi baat to hai usme,
Mai uooNhi to nahi theher jaata
Kuchh pal hi sahi,
Ye mail zehen se utar jaata hai
Aksar us ganga ke khayaal bar se.

Chaand

Is Chaand ko yooN to
Kuchh khone ka gam nahi,
Par wo mere nahi
Ye dard bhi kuchh kam nahi.

[musharrafhusain]

Chand
Achcha laga aap ka likha huaa.
Likhte rahiyei.

musharrafhusain

[Neha Haroon]

aap kie shayari mein joe sukoon hai , joe muhabbat hai , joe thandaak hai , joe rooh tak poocnh sakeey joe hakeekat hai,

aisaay lagtaa hai ke aap murdoon koe bhee jagaa deinaa ka hosilaa raktey hai ,

mein aap say kiya kahoon , bus yehee kehaay saktee hoon .

aap ke naam ek pyar bharaa pegaam ...........................



mujh ko har pal yunhi tum chaahtay raho,
aur mujh say sila iss ka paatay raho.

kiya khabar kab guzar jaay sham-o-sahar,
meri duniya ko khud say sajatay raho.

lot ker hum nay jana nahi mazi main,
meray pehlu main har ghum bhulatay raho

aaj ki raat main nay teray naam ki Chaand,
tum bhi chahat ka naghama sunatay raho.

log toe jaltay hain inko choro sanam,
meray naqsh-e-qadam pe tum aatay raho.

tum say barh kar meri koi khwahish nahi,
tum mujhay har qadam per lubhatay raho.

asman-e-mohabbat pe kaliyan khilain,
tum jo yun hi sada muskuratay raho.

tum sanwar ke kisee aur say milna nahi,
woh kahaan gay ke tum aatay jatay raho.

take care
miss you
aapkie
neha

[Neha Haroon]

jab say teraay khayaal say dil lagee na thee
kehnaay ko toe woe zindagi thee par zindagee na thee

[romana]

hi chand

hw r u and hws life vow this peom is good as usuall mr poet. i hope u r ok and not worrying ur self and dont think too much its not good for health

keep writing
bye

[Chaand]

Pyare DostoN,

Ek baar phir ye Chaand aap sabhi ka tahe dil se shukriya karta hooN meri is post ko parhne mera hausla barhane or aapne apne khayaalat likhne ke liye.

Neha aapki ye jawaabi post wakai kaabil-e-taareef hai.

Romana, mai achha hooN or aapki salamati ki dua karta hooN, bade arse ke baad aapko yahaaN paakar khushi hui.

YooN to kuchh khaas na kamaana
Is jindgi ke safar mai,
Tumhaara sath chaaNv banta raha
DostoN is dhoop se rehgujar mai.

Regards

Chaand