Kash hum bhi panchhi hote...

[aash]

Panchhiyo ki udaan dekhkar sochta hu ki kash hum bhi panchhi hote,
Na koi parva,na koi rok-tok, na koi bhi bandhan hote,
jahan ji chahe ghumte-phirte, jahan man chahe uthte-baithte,
kabhi aasman se baate karte, kabhi bich dariya pankh bhigoite,
Panchhiyo ki udaan dekhkar.........

subah me masti ke geet gungunate, sham me suraj ki lali ko churate,
kisi bhi disha se aate, kisi bhi disha me jate,
kabhi chillate to kabhi haste-nachte,
jab dil kiya jagte, jab dil kiya sote,
panchhiyo ki udaan dekhkar........

Tareh-tareh rango se rangi khubsurat makhmali kaya hoti,
sunder-sunder phoolo se mitha rus chusne ki kya maza hoti,
chhote-chhote pyare ghosle me rehne ki hay..! kya baat hoti,
kabhi is daali, kabhi us daali to kabhi ghanere jangalo me khote,
panchhiyo ki udaan dekhkar.........

[Mayank]

kaafi achcha aur sach likha hai aap ne.. ehsaas aur bayaaN dono achche haiN.. yuuN hii likhate raheN.. mere jaanib se daad haazir hai... yuuN hii likhte raheN..

Mayank