Quote:
Originally Posted by masti
Kuch waqt pehle tasweer par tehreer pratiyogita mein likhi is kavita ki yaad aaj women's day par aayi to socha isey aap logo ke saath bhi share kara jaaye.....
Aaj to khushi manaungi peele patto.n ke jhadne ki
Bade dino.n ke baad hai aaii himmat jag se ladne ki
Bohut hua suukhi shakho.n se girna, girkar ro padna
Meri zidd hai ab unche se uuncha parbat chadne ki
Bohut hua armaan kisi ke milne aur bichadne ka
Ab baari hai meri khud ke saath akele chalne ki
Mukh par patti baandh ke maine dard liye the kaii chupa
Mujhe ijaazat mili hai ab bulbul ke saath chehekne ki
Apno se khaaye dhoke tab, ye baat samajh mein aayi hai
Nahi zarurat mujhe kisi bhi gair ka haath pakadne ki
Nahi rukungi, nahi jhukungi, nahi darungi ab to main
Kasam hai khaai ab to maine pal pal aage badne ki
|
Awesome. ..yakeen karogi...aaj subah hee soch rahi thi..ki sarika ko kahun ki ye poem post kare...aur abhi aayi to dekha wish poori bhi ho gayi....
..
Kamaal ke ehsaas hain...jab bhi padho ekdam taza...ekdam perfect...
Ek baar fir daad pesh hai...
Likhti raho....
Happy women's day....