Karishmaat-e-tasavvur

[Parastaar]

Khamoshi, tanhaayi, tasavvur, dard-e-dil sanam
diya hai saath sabne har waqt har dam…

Karishmaat-e-tasavvur

aaj phir kyon intezzar hone laga hai
wo dil-sitan kyon yaad aane laga hai

lamhaat jo humne guzaare bhi nahin
kyon dil unse beqaraar hone laga hai

iss dar se tau wo guzraa bhi nahin
ye dil iss qadar kyon dhadakne laga hai

palakein jo un tak uthhi bhi nahin
wo rafta rafta un mein samaane laga hai

wo waade jo humne kiye bhi nahin
un tute waadon pe kyon ranj hone laga hai

daman jo kabhi haath aaya bhi nahin
uski khushboo se dil mehekane laga hai

vasl-e-yaar tau 'paras' hua bhi nahin
tau gham-e-hijraan kaise hone laga hai….....