.......ashk............ -
4th November 2009, 06:53 PM
ASHK
--------
Massarat aur kabhi gham se ravaaN hotaa hai ashk
bheegi palkoN ke saaye meiN javaaN hotaa hai ashk
TooTe rishtoN ke dhaagoN se bunaa hotaa hai ashk
moti aaNkho ka, matti meiN fannah hotaa hai ashk
har khamosh zubaaN ka gavaah hotaa hai ashk
har maayoos insaaN ki panaah hotaa hai ashk
bevafaa se vafaa meiN mila silaa hotaa hai ashk
mehboob ke dil meiN chhupaa gilaa hotaa hai ashk
sulagti hui tamanna ka dhuaaN hotaa hai ashk
gunaah ki raNjish ka nishaaN hotaa hai ashk
yeh bhi ajab kaisa junooN hotaa hai ashk
rulaata hai or dil ko sukooN hotaa hai ashk
(Anonymous)
Zainy
PalkoN ki baand ko tod ke daaman pe aa gira
Ek aaNsu mere zabt ki tauheen kar gaya...
Nm
Last edited by zainy; 4th November 2009 at 07:01 PM..
|