Zindagi yuuN na tu lutaa mujhko -
11th December 2002, 06:12 PM
Sabhi ahbaab ko adaab
Aik muddat ke baad is bazm haazir huaa hooN. Kaam ki masrufiyaat ne is dauran mujhe is mehfil se zara faasley par rakha. Maazrat ka talabgaar hooN.
Phir bhi zindagii to hameshaa ki tarah har qadam par mukhtalif andaaz meiN pesh aatii hi rehtii hai. Aur uskey mutalliq mere naye tassuraat is ghazal kii shakl meiN kaghaz par ubhrey haiN.
Aur ab ye aapke tassurat ke liye pesh-e-khidmat haiN.
-------------------------------------------------
GHAZAL
Zindagi yuuN na tu lutaa mujhko
Meri khatir bhi kuch bachaa mujhko
Gar is ghazal ka koii jawaab ho to,
Kripyaa kar ke zara bataa mujhko..
NahiiN bhai, aapne sach mein hi bahot achi ghazal likhi hai. Bahot dinoN se ek aisi shayar ki hi talaash thi; na jaane sab kyoon chale gaye. Chalo koii baat nahiiN, aap se mulaqaat hui, ye'hi kaafi hai. Zada shabd nahiiN hai mere paas, is liye sirf kahuunga ki aap likhte rahiye; aapke jazbaatoN ka intezaar rahega.
Chalta huun,
Aman
"je tu akhiiyaaN de saamne naii rehnaa,
te bibba saada dil moD de..!"
Ghazal pasand farmane ka shukria. Pareshan toh maiN bhi is baat se hooN ke sabhi ustaad shayar aaj kal yahaN kyuuN nahiN aate. Aapki baat se ittefaq rakhte hue maiN bhi sabhi shayroN se darkhwast karta hooN ke is mehfil ko tanha na chodeN.
Phir ek baar ghazal pasand farmane ka shukria.
Praveen
raah meiN hi manziloN ka zikr mat chedo Praveen
manziloN ne sun liya toh aur woh badh jaayeNgi
hum phir haazir ho gaye hai aapki ghazalon ke saath insaaf karne.....
Zindagi yuuN na tu lutaa mujhko
Meri khatir bhi kuch bachaa mujhko
...wah wah....
Kaanp uthtaa huuN khauf sey aksar
Itni ulfat sey mat bulaa mujhko
.....bahut hi khoob....
SainkdoN khaab dey ke aankhoN ko
Ab haqiiqat sey mat daraa mujhko
...wah...bahut khoob!....
..yeh teen ashaar hume bahut pasand aaye....zindagi se baatein karke, bintee karke...kaafi gehre khyaal bataaye hain...jo khyaal/darr har insaan ke dil mein hote hain zindagi ke baarein mein....bahut khoob.....
....aur vaise kaise haal-chaal hain aapke?.....aashaa hai ki sab khushal-mangal hoga....hume in dinon fursat hi nahi mil rahi ki hum kuch naya likh paaye....lekin koshish jaari hain....itni jaldi aap apne shishya se maayoos na hona....k'hafiz....anamika....
ye jo ham hijr meiN deewaar-o-dar ko dekhte haiN
kabhee saba ko kabhee naamaabar ko dekhte haiN
woh aaye ghar meiN hamaare KHuda ki kudrat hai
kabhee ham unko, kabhee apane ghar ko dekhte haiN
nazar lage na kaheeN uske dast-o-baazoo ko
ye log kyoN mere zaKHm-e-jigar ko dekhtaiN haiN ?
Ghazal par apni rae dene aur usey pasand farmane ka bahut shukria. Idhar ek arsa huaa aapse mulaqaat hue. Aur na hi yahaN aapki nayii shayrii nazar aa rahi hai. Umeed ahi jald hii aapse baat hogi.
phir ek baar shukria ke saath
praveen
raah meiN hi manziloN ka zikr mat chedo Praveen
manziloN ne sun liya toh aur woh badh jaayeNgi
Adaab Praveen jee - Achchi ghazl likhi hain aapne - Ghazl ke khayaal acche lage aur saare sher pardhne mein saral lage - Aise hi aur likhiyega - Mahek
zindagI jab bhI terI bazm mein LAtI hai hamein
ye zamIn chAnd se behatar nazar AtI hai hamein
surkh phUlon se MAHEK uThatI hain dil kI rAhen
din Dhale yUN terI AvAz bulAtI hai hamein
----------------------------------------------
taeray Gham ki KhuShbu say jism-o-jaaN MAHEK uTThay
saaNs ki havaa jab bhi Choo kay maeray lab guzri
aek saath reh kay bhi, door hi rahay ham bhi
dhoop aur Chaa'ooN ki dosti ajab guzri
Re: simple yet powerful! -
21st January 2003, 12:21 PM
Mahek ji
Sabse pehle to aapse muafii chahta huuN ke aapki daad ka waqt pe shukria adaa na kar paya.
Aapko ghazal pasand aayii jo mere liye bada hausla badhane wali baat rahii. Umeed karta huuN ke aage bhi aapka saath milega.
phir ek baar shukria ke saath
Praveen
Quote:
Originally posted by Mahek Adaab Praveen jee - Achchi ghazl likhi hain aapne - Ghazl ke khayaal acche lage aur saare sher pardhne mein saral lage - Aise hi aur likhiyega - Mahek
raah meiN hi manziloN ka zikr mat chedo Praveen
manziloN ne sun liya toh aur woh badh jaayeNgi