Quote:
Originally Posted by AHMAD SHAKIL
Arbab-e-Zauq Ko Aadaab………..!
Kuch Adnaa Khayalaat Ko Qirtaas-e-Qalam Karnay Ki Koshish Ki Hai….. Ummid Hai Pasand Aaye Gi…..
GHAZAL
Jo Aah-o-Naala Sa Qalb-e-Huzeen Se Nikla Hai
Ye Wo Shajar Hai Jo Banjar Zameen Se Nikla Hai
Dareeda Daman-e-Dil Tha Jahaan Se Ae Logo
Tadap Ke Dard Bhi Dekho Waheen Se Nikla Hai
Jo Bazm-e-Yaar Me Shaamil Nahi Aduu Koi
To Phir Ye Teer Bhala Kis Kameen Se Nikla Hai
Wo Jo Hamesha Mere Ashk Punchhti Hee Rahi
Wo Dekho Saanp Usi Aasteen Se Nikla Hai
NA-janay Kitnay Azaabon Se De Gaya Hai Nijaat
Ye Aik Sajda Jo Meri Jabeen Se Nikla Hai
Main Manta Hun Ke AHMAD Hai Qol Ka Pakka
Ye Aitaraaf Lab-e-Nukta-Cheen Se Nikla Hai
AHMAD ALI SHAKIL
|
Bahut achhi ghazal hai Shakil sahab. Bahut naye se sher kahe hain.
Dareeda Daman-e-Dil Tha Jahaan Se Ae Logo
Tadap Ke Dard Bhi Dekho Waheen Se Nikla Hai
Jo Bazm-e-Yaar Me Shaamil Nahi Aduu Koi
To Phir Ye Teer Bhala Kis Kameen Se Nikla Hai
NA-janay Kitnay Azaabon Se De Gaya Hai Nijaat
Ye Aik Sajda Jo Meri Jabeen Se Nikla Hai
Bahut sundar bhaayee. Aise hi likhte raho aur jald az jald apne maqaam tak pahuncho yahi meri duaa hai.
Khush rahiye