Aik Misra-e-Tarah Par Meri Jaanib Se Aik Haqeer Si Kaawish Pesh Hai…..
Kisi Dareechay, Kisi Deewaar Aur Dar Ke Liye Main Taa-hayaat Bhatakta Raha Hun Ghar Ke Liye
Yahan Naheen Koi Jazbon Ki Ramz Se Waaqif "Chalo Yahaan Se Chalen Aur Umr Bhar Ke Liye"
Hai Ibtidaaye Muhabbat, Abhi To Sach Bolo Abhi To Umr Parri Hai Agar Magar Ke Liye
Mera KHUDA Meri Niyyat Se Khoob Hai Waaqif Aduu Ke Dar Pe Gaya Tha Main Dar-Guzar Ke Liye
Bila-Shubaa Ye Inaayat Hai Aap ki Hum Par Wagarna Kaun Nibhaata Hai Umr Bhar Ke Liye
Wo Jis Ki Chaaon Ne Tum Ko Amaan Di Barson Koi To Saaya Banay Ab Usi Shajar Ke Liye
Karay Jo Zer-o-Zabar Kaayinaat-e-Dil AHMAD Meri Talaash Hai Us Piyaar Ki Nazar Ke Liye
AHMAD ALI SHAKIL
Waaahhh Ahmad bhai.... kya baaat hai ... bahot khoob ghazal pesh ki hai aaapne.... paadh kaar kyaa bataauN kitnaa lutf mil raha aahi... sar se paaa talak khoobsurat kalaam.... bahot acchey............. likhte raheN..
khush raheN...
Bahut khoob kalaam kahi hai janab... dheroN daad O mubbarakbad kabul kijiye..
Matla aur maqta khoob raha janab... Aur yeH sher bhi umdaa hai daad..
Wo Jis Ki Chaaon Ne Tum Ko Amaan Di Barson Koi To Saaya Banay Ab Usi Shajar Ke Liye
Parwaaz JI............!
Aap Shaaz-o-Naadar Hee Is KHaksaar Ki Bazm Me Aatay HAin...
Aaj Aap Ko Apni Bazm me Dekh Kar KHushi Hui ...
Aap Ki Daaad Par Tah-e-Dil se mashkoor Hun....
Sada Khush Rahiye
Ay Chaara-Saaz Dil Pe M're Daal Ik Nazar Mujhko Bas Aik Jism Ka Aazaar Hee Nahi
ek baar phir ne aapne ek nayaab Ghazal mehfil ke hawaale ki hai
daad ke liye alfaaz hi nahiiN haiN!
mat'laa mujhe bohat pasaNd aaya, apna sa lagaa
bohat shukriya aur aate raha kareiN
rab raakha
maikash
Maikash JI..........!
Aap Ke Khuloos Ki Main Tah-e-Dil Se Qadr Karta Hun...
Aap Ne Is Khaksaar KE Kalaam Par Nazar Ki .. Aur Hausla-afzaayi Farmaayi , Ye Aap Ki Inaayat Hai...
MAshkoor-o-MAmnoon HUn....
Sada KHush Rahiye
Ay Chaara-Saaz Dil Pe M're Daal Ik Nazar Mujhko Bas Aik Jism Ka Aazaar Hee Nahi
Waaahhh Ahmad bhai.... kya baaat hai ... bahot khoob ghazal pesh ki hai aaapne.... paadh kaar kyaa bataauN kitnaa lutf mil raha aahi... sar se paaa talak khoobsurat kalaam.... bahot acchey............. likhte raheN.. khush raheN...
Shaad...
Janab Sameer Shaad Sahab....!
Aap Ka HUsn-e-Zann Hai Jo Aap Ne Is Kalaam KO Pasand KIa....
Aap Ki Daaaad Sar Aankhon Par....
Sada KHush Rahiye..
Yunhi Saath Banaaye Rakhiye
Ay Chaara-Saaz Dil Pe M're Daal Ik Nazar Mujhko Bas Aik Jism Ka Aazaar Hee Nahi