pyaar

meena chheda · **pyaar -** 21st August 2003, 02:50 PM

Aakhir bag bandh hui. Aisa nahi thha k kapde jyada thhae... is liyae bandh karna mushkil ho raha thha par fir bhi jaise bag bandh karte dum nikal gaya Aasha ka. Waise bhi yah kaam ki oose aadat nahi thhi... jab kabhi kahi jaate to vishaal hi bag bandh kar deta thha. Par aaj to.......
Shayan- kaksh ki charo diwalo maie... har ek cheej maie oos ka maan rook jata thha. maej par rakhi hui tasweer ko oosne oothhaya... vishaal aur aasha ki sathh maie khinchaai hui tasweer.
“sathh le jaau?” Kahyaal aaya... halke se fir wahi par oosne tasweer rakh di. Oos ke paas hi aur ek frem thhi... jo ab hamesha khali rahegi.
Vishal ne oose puchha thha, “ do frem kyun laayi? Hamaari to ek hi tasweer hai.”
Aasha ne kaha thha, “ hamaare bachae ki tasweer lagaayenge...... par.. ab bachaa hi nahi hoga aur yah frem khali hi rahegi.
Bag le kar Aasha, divaankhaane maie aayi.nazar ghadi par gayi..... 6 baj rahe thhae... pichhlae 3 ghantae lagae thhae oose shayan kaksh se divaankhaane tak aate.vishaal ko aane maie abhi wakt thha.. par ek baar agar woh aa jaayega to fir aasha ka nikalna mushkil ho jaayega. Oose ab jaldi nikalna chahiyae.
Nazar rasoi ki taraf gayi, yaad aaya; aaj to khana hi nahi banaya.. vishaal aa kar khayengae kya? Bag wahi chhod rasoi maie gayi. Pahlaey to khud k liyae coffee banaayi aur pitae pitae khana banana bhi suru kar diya... taj gati se aasha k hathh paaw chalne lag gayae... khayaal bhi ootne wakt k liyae rook se gayae... kaam khatam kar te sawa saat honae aayae.
Phone ki ghanti baj oothhi... shayan kaksh maie ja kar oos ne phone oothhaya.. maa chilla oothhi, “kya kar rahi ho aasha??? Ab tak nikli nahi ho?”
“Bas, maa ! naha kar nikalti hu”.
“Kya kar rahi thhi ab tak?”
“Vishal k liyae khana.....”
“Ab oos ke naam ka bhi naha le aur jaldi aa... maie teri raah dekh rahi hu”.
Phone rakh kar aasha nahane gayi.
Chaar saal pahlae aayi thhi is ghar maie, maa papa se lad jaghad kar... chhup kar shadi ki thhi oosne vishal se.vishal bahot achha thha aur oose bahot pyaar karta thha. Maa papa ka ek hi ladka thha. Maa aur papa gaaw maie rahte thhae.... yaha par oonke ghar maie sirf wo do hi rhte thhae. Lekin woh aasha k papa jitna amir nahi thha is liyae maa ko katai pasand nahi thha.
Shadi k baad bhi, maa ne kai koshishae ki... kai baar kaha k, “waapas aa jaao! Ab bhi kuchh nahi bigda... chhod do oose...” aur aisae kai taane vishaal ko milte...
Par..... vishaal k pyaar maie wah sukhi thhi. Saas sasoor bhi oose chahte thhae... waeh to yaha kabhi nahi aate thhae par woh vishal k sathh oonhe milkar aati thhi. Aasha par oonke charo hathh thhae. Koi wajah hi nahi thhi vishal ko chhod ne ki... kyun woh wapas jaaye??? Par woh maa se vivaas n karti, oose pata thha maa kabhi yah baat nahi samaj paayegi.woh dukhi ho jaati.. baichain ho jati tab vishal ko kah deti. Vishal oose shaant karta... kahta, “ wah tumhari maa hai, tumhari fikar hona swabhawik hai... ooski baato ka bura mat maano. Tum chinta na karo... ek din woh jaroor hamaare rishte ko apnaayenge. Wah vishal k is vishaal khayaalaat dekh kar oos k pyaar maie aur aage badhti... sathh hi sochti... maie apni beti k sathh aisa nahi karungi.
Par... shadi k 5 saal poore hone aaye thhae aur bachha hone ki koi oomiid nazar nahi aa rahi thhi. Wah baichain ho oothhi thhi.
Pichhlae kuchh mahino se maa bhi alag baat liyae baithhi thhi...., “ dr. Ko bata kar dekho, dekh lena meri baat sahi niklegi. Jaroor vishaal maie koi kami hogi. Teri zindgi barbaad kar di oosne aur tum ho ki ab tak oos k ghar maie padi ho.”
Har pal ki in bato se thhak haar, aasha ne vishal ko kaha, “chalo dr. Se raay lete hai.”
Vishal maan gaya.... dr. K kahne par kuchh test karwaayae... aur report aa gaye. Dono k sar par jaise aashmaan tut pada. Maa ki baat sach nikli... vishal maie kami thhi... aur oos ki wajah se aasha kabhi maa nahi ban paayegi.
Aasha ne maa se baat ki. Maa ne ab to jabardasti hi ki. Aasha ko jaise phone kar kar k pagal kar diya...
“is tarah se zindgi nahi nikalti... ab to waha rahne ka koi maksad bhi nahi... maa bane bina kaise rah sakte hai??? Yaha tere papa ki milkat bhi samhaalne wala koi tera waaris to chahiyae hi na? Ab maie teri ek nahi soon na chahti... bas tu wapas aa ja.”
Aur....... n jaane kis kamjor pal ki aasha shikaar ho gayi... aur yaha se chal dene ka faisla kar baithhi. Bachhae k bina woh rah nahi sakti... aur yaha oose bachha milne se raha.
Naha kar aasha taiyaar hui. Fir se oos ka dhyaan maej par rakhi tasweer par gayi, tasweer maie vishal ki aankhe balak ki tarah nirdosh has rahi thhi....... “ yah maie kya kar rahi hu???? Khayaal aaya maan maie... kya nahi diya vishaal ne muje aur bas.. ek bachha nahi de saka to maie oos se door ja rahi hu? Yahi hamara pyaar? Kaha gayi woh sathh nibhane ki kasmae? Aur oos se bhi aage.... jo sathh jiyae ooska koi wajood n raha???
Phone ki ghanti baji... “maa, maie nahi aa rahi.” Kah kar pahone kaat diya. Ooska dhyaan bag ki taraf gaya. Are... yah yaha kaise? Maine to oose divaan khane maie rakhi thhi.. yah yaha kaise ??
Pichhae se aa kar vishaal ne kaha, “ muje pata thha, tum muje chhod kar nahi jaaogi... is liyae maie hi yaha laaya... jab tum naha rahi thhi.
Aasha simat gayi... vishal ne oose apni baaho maie bhar liya... dherae se aasha ne kaha, “ ham bachha gode le lenage.”
Roti aankho se vishal ne bhi ha kaha, aur aasha k sar par hathh ferta raha.
Fir se phone ki ghanti baji... dono muskura k alag huae. Aasha ne kaha, “ bhale bajti hai ghanti... bajne do... maie khana lagati hu tab tak tum naha lo.”
Nahaate huae... vishal ne yaad kiya, dr. Ka phone thha, “ vishal, report aa gaye hai... tum parfect ho, par sorry to say... aasha.. ma nahi ban sakti.”
Vishal ne dr. Ko vishwaas maie liya... aur naye nakli report taiyaar karwaaye...
Aakhir woh aasha ko PYAAR karta thha... oose dukhi kaise hone de????????

akant · **hello -** 21st August 2003, 04:35 PM

hello meena ji,

sabse pahale ek achchhi story likhane ke liye, main aapko badhaie deta hoon. story maine padhi aur mujhe achchhi bhi lagi. bahut achchhi tarah se aapane pyar ko paribhashit kiya hai. bas main yahi kahunga ki, story ho ya kavita ho ya shayri, har jagah kuchh na kuchh sikh lene ke liye matter hota hai, aur hume chahiye ki hum us positive veiw ko apanaaye. likhate rahiye, samay nikal ker.

Akant....

meena chheda · 21st August 2003, 05:38 PM

akant dost,
kahani padhne ka wakt nikala.... oose saraha...... tumhari shukrgujaar hu........ thanxxxxxxxx dost.
tumne sahi kaha hai.... har baat ko hamae +ve lena chahiaye... par wakt lagta hai yah baat samajne maie....

Kavita · **Meena dost -** 23rd August 2003, 04:47 AM

Meena JI,
Namastai.Kaisai hai aap?Hope good.Jaisai jaisai yeh kahani padti gayi waisai laga jaisa ki mai Aasha aur Vishal ko ik tarah sai jaanti hoon.Aapkalikhnai ka tareeka...ab kya kahoon siwai Wah.Aasha hai aap aisai hi likhti rahengi.
Khayal rakhain,
Kavita

meena chheda · **thanx -** 23rd August 2003, 03:13 PM

kavita,
maie achhi hu...... tum bhi khush hogi hi.... yahi meri prathhna hai.
kavita... tumne kaha ki kahani padhte huae tumhe laga jaise tum...aasha aur vishal ko jaanti ho yah mahesoos kiya.... yahi.. baat bata rahi hai k tumne kitni chav se meri kahani padhhi hogi.
pasand karne ka bahot shukriaa....... bas tum dosto ki ummid par hamesha khari ootru yahi koshish karungi.
bye tc...
tumhari dost.

khushiii · 28th August 2003, 06:01 PM

dost
aaapne bohot achhi kahani kahani hum sab k saaamne pesh ki achhi lagi.good, likhti rahiye
yeh sach hai k pyar ek sooosre ka sath dene ka hi naam hai.jo mushkil waqt mein aap ka sahara bane aur achhe waqt mein aap ki khushiyon mein shamil ho wahin sachha pyaar hota hai

meena chheda · 29th August 2003, 09:42 PM

khushiii,
dost....... shukriaa
meri kahani pasand ki....... thanx dost.

khushiii · 29th August 2003, 10:06 PM

no need to say thanx dost jo cheez tareef ke qaabil hoti hai tareef uska haq hota

meena chheda · 30th August 2003, 09:15 AM

khushii dost,
yah bhi khub kaha tumne.....
taarif ka haq bhi hota hai........
chalo tumhari tarif mere sar aankho par.
khush raho.

garima · 18th July 2005, 10:27 AM

maa..

bahoot pyaari story.. so sweet.. sach me vishwaas aur pyaar bahoot badi cheej hoti hai..inhe khona nahi chahiye

aapka bacha

meena chheda · 18th July 2005, 07:39 PM

Quote:

Originally posted by garima
maa..

bahoot pyaari story.. so sweet.. sach me vishwaas aur pyaar bahoot badi cheej hoti hai..inhe khona nahi chahiye

aapka bacha

haan garima...
pyaar ko khona nahi chahiye.... yah to jivan ka vajood hota hai

maa

Parul · 18th July 2005, 09:20 PM

Dear meena di...

Waakai aap ki yeh story dil ko chhu gayi, aur kya kahu keh nahi paati....... but thanks for sharing this story. take care!

meena chheda · 19th July 2005, 09:47 AM

Quote:

Originally posted by Parul
Dear meena di...

Waakai aap ki yeh story dil ko chhu gayi, aur kya kahu keh nahi paati....... but thanks for sharing this story. take care!

priy parul,

shukriya..

di