Arsa daraz ho gaya -
29th December 2015, 05:25 AM
Kuch likhne ki koshish ki hai. Ummeed hai aap ko pasand aaey:
Mitaey.Nge her burai ko her aek ghar se hum
Darte nahi.N hai.N yaro.N kisi bhi bashar se hum
Kya tum ko hum manaey.N ab hosla nahi.N
Khud hi gire hai.N itney apni nazar se hum
Jub tum nahi.N to lagti hai.N galiya.N yeh ajnabi
Guzre hai.N wese baarha is rahguzer se hum
Jis ko bhi dekho must hai apni tabahi mai.N
Ummeed kya rakhai.N bhala aese nagar se hum
Arsa daraaz ho gaya manzil na mil saki
Ummeed to bohot thi jo nikle they ghar se hum
Jub se khabar mili hai ke milne woh aaey.Nge
Mar mar ke ji uthey hai.N tiri is khabar se hum
Manzil ka kuch pata hai na kuch hum ko ilm hai
UTh ker to chaley aaey hai.N ab tere dar se hum
Dhalte hi shaam aaey.Nge milne woh baam per
Nazrei.N bichaye beyThey hai.N Fakhri sahar se hum
Fakhri
|