 |
|
|
|
|
 |
 |
Majaz....Shayer of the month..MAR 2013 |
 |
|
 |
|
(#1)
|
|
Aapki dost
  
Offline
Posts: 7,325
Join Date: Feb 2008
Rep Power: 57
|
Majaz....Shayer of the month..MAR 2013 -
2nd March 2013, 03:25 PM
Asrar ul Haq Majaz (19 october 1911 – 5 December 1955) was an Indian Urdu poet.He was known for his romantic and revolutionary poetry. He composed ghazals and nazams in urdu
Majaz was born in Rudauli, bara banki, UP, India. He received his early education in Lucknow and Agra, and did his B.A. at Aligarh muslim university He considered Fani badayuni as his 'ustad'. He hails from a family of poets and litterateurs. Muztar khairabadi, one of the great masters of Urdu poetry, was among his ancestors.He has a sister Safiya, who married to Jan Nisar Akhtar, father of Javed akhter Majaz started writing poems while in Aligarh and soon became a popular among the masses and well respected among the literati. He became one of the front-ranking poets of the Taraqqi Pasand Tahreek or Progressive Writers’ Movement. He is also well known for composing the anthem, tarana, for Aligarh Muslim University, 'Ye meraa chaman, hai mera chaman, Main apne chaman ka bulbul huun.' "Aahang" and "Saaz-e-Nau" are two of his poetry compilations. Majaz was madly in love with a woman. She married another man which he could not come to terms with. His poetry was greatly influenced by her and he remained unmarried all his life After liberation of India, condition deteriorated and with the help of Josh malihabadi Majaz was sent to the mental hospital of Raanchi. There he met kazi nasrul islam and recognized the poet. It is reported that he told the poet, "Why are you silent Nazrul, Lets go to Lahore/Dhaka, though they are in foreign country, there are asylums!" Majaz, a heavy drinker, died alone in a tavern located in the Beldari Lane of Lalbagh, on the cold winter night of 5 December 1955 in the heart of the city of Lucknow. Major works include
 one of his ghazals: maiN aaheN bhar nahiiN sakta ke naGhmeN gaa nahiiN sakta sukuuN lekin mere dil ko muyassar aa nahiiN sakta koi naGhme to kya ab mujh se mera saaz bhi le lo jo gaana chahta huuN , aah , vo maiN gaa nahiiN sakta mataa-e-soz-o-saaz-e-ziNdagii , paimaana-o-barbat maiN khud ko in khilonoN se bhi ab behlaa nahiiN sakta voh baadal sar pe chhaye haiN ke sar se haT nahiiN sakte milaa hai dard voh dil ko ke dil se jaa nahiiN sakta hawaskaari hai jurm-e-khudkushii meri shar'iiyat meN ye hadd-e-aakhiri hai maiN yahaaN taq jaa nahiiN sakta na tuufaaN rok sakte haiN na aaNdhii rok sakti hai magar phir bhi maiN us kasr-e-hasiiN taq jaa nahiiN sakta voh mujhko chaahti hai aur mujh taq aa nahiiN sakti maiN usko poojtaa huuN aur usko paa nahiiN sakta ye majboori si majboori ye laachaari si laachaari kie uske geet bhi jee khol kar maiN gaa nahiiN sakta zabaaN par bekhudi meiN naam uska aa hi jaata hai agar puuche koi "ye kaun hai ?" , batlaa nahiiN sakta kahaaN taq qissa-e-aalaam-e-furqat, mukhtsar ye hai yahaaN vo aa nahiiN sakti, vahaaN maiN jaa nahiiN sakta hadd'eN voh kheNch rakhi haiN haram ke paasbaanoN ne ki bin mujrim bane pai'gaam bhi pahuNchaa nahiiN sakta Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
 |
|
 |
 |
 |
|
|
|
|
|
|
(#2)
|
|
~$uper M0der@tor~
Offline
Posts: 8,417
Join Date: Feb 2006
Rep Power: 61
|
2nd March 2013, 05:32 PM
masha Allah.. khoobsuraat intekhaaab zainy saahiba..... bahot khushi hui ye informative thread dekh kar.... Ummeed hai aage aur bhi jaankari se rubaro hone ka mauqaa milega yahan...
keep sharing his best...  Shaad... |
|
|
|
|
|
|
|
|
|
|
|
|
(#3)
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
2nd March 2013, 06:59 PM
mere mehboob shayar
Zainy sahiba aapka iNtehaayi shukurguzaar huuN jo aapne yeh thread shuru kiya Isi section meiN maine Majaz saahab ki jeevni par ek tafseeli thread bhi khola tha maiN inke sukhan ka bohat qaayal hooN, ab haaziri darj ki hai to lage haaTh Majaz saahab ki ek Ghazal pesh-e-khidmat hai Khuub pahachaan lo asrar huuN maiN jins-e-ulfat kaa talabgaar huuN maiN ishq hii ishq hai duniyaa merii fitanaa-e-aql se bezaar huuN maiN chheDatii hai jise mizaraab-e-alam saaz-e-fitarat kaa vahii taar huuN maiN aib jo haafiz-o-Khayyaam meiN thaa haaN kuchh is kaa bhii gunahgaar huuN maiN zindagii kyaa hai gunaah-e-aadam zindagii hai to gunahgaar huuN maiN merii baatoN meiN masiihaaii hai log kahate haiN ki biimaar huuN maiN ek lapakataa huaa sholaa huuN maiN ek chalatii huii talavaar huuN maiN is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
  |
|
|
|
|
|
|
|
|
|
|
(#4)
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
2nd March 2013, 07:54 PM
Majaz Lukhnawi saahab ki nazm "nazr-e-dil" :
apne dil ko donoN aalam se uThaa sakta hooN maiN kya samajhtee ho ke tumko bhi bhulaa sakta hooN maiN tum agar ruuTho to ik tumko manaane ke liye geet gaa sakta hooN maiN aaNsoo bahaa sakta hooN maiN tum ke ban sakti ho har mehfil meiN firdaus-e-nazar mujhko ye daava ke har mehfil pe chaa sakta hooN maiN aao mil kar Inqalaab-e-taaza-tar paidaa kareiN dahar pe is tarah chaa jaaeyN ke sab dekha kareiN dafn kar sakta hooN seene meiN tumhaare raaz ko aur tum chaaho to afsaana banaa sakta hooN maiN is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
|
|
|
|
|
|
|
|
|
|
|
|
(#5)
|
|
Moderator
Offline
Posts: 15,199
Join Date: May 2006
Location: Chandigarh (Mohali)
Rep Power: 63
|
2nd March 2013, 10:08 PM
Majaz sahiib ki aik aur khoobsurat gazal mahfil ki nazar
Khud dil me.n rah ke aa.Nkh se pardaa kare ko_ii Khud dil me.n rah ke aa.Nkh se pardaa kare ko_ii haa.N lutf jab hai paake bhii Dhuu.NDhaa kare ko_ii tum ne to hukm-e-tark-e-tamannaa sunaa diyaa kis dil se aah tark-e-tamannaa kare ko_ii duniyaa laraz ga_ii dil-e-hiramaa.N_nasiib kii is tarah saaz-e-aish na chhe.Daa kare ko_ii [hiramaa.N_nasiib=nasiib ke maare hue] mujh ko ye aarazuu vo uThaaye.n naqaab Khud un ko ye intazaar taqaazaa kare ko_ii rangiinii-e-naqaab me.n Gum ho ga_ii nazar kyaa be-hijaabiyo.n kaa taqaazaa kare ko_ii yaa to kisii ko jurrat-e-diidaar hii na ho yaa phir merii nigaah se dekhaa kare ko_ii hotii hai is me.n husn kii tauhiin ai 'Majaz' itanaa na ahal-e-ishq ko rusavaa kare ko_ii .....Sunita Thakur..... यह कह कर मेरा दुश्मन मुझे हँसते हुए छोड़ गया ....के तेरे अपने ही बहुत हैं तुझे रुलाने के लिए... 
|
|
|
|
|
|
|
|
|
|
|
|
|
(#6)
|
|
Aapki dost
Offline
Posts: 7,325
Join Date: Feb 2008
Rep Power: 57
|
3rd March 2013, 11:09 AM
siine me.n un ke jalve chhupaaye huye to hai.n
ham apane dil ko tuur banaaye huye to hai.n [tuur=the mountain on which Moses had his vision] taasiir-e-jazb-e-shauq dikhaaye huye to hai.n ham teraa har hijaab uThaaye huye to hai.n [taasiir=effect/result; jazbaa=emotion; hijaab=veil] haa.N vo kyaa huaa vo hausalaa-e-diid ahal-e-dil dekho na vo naqaab uThaaye huye to hai.n [hausalaa-e-diid=courage to see/view] tere gunaaha_aar gunaah_gaar hii sahii tere karam kii aas lagaaye huye to hai.n allaah re qaamayaabii-e-aavaaragaan-e-ishq Khud gum huye to kyaa use paaye huye to hai.n ye tujh ko iKhtiyaar hai taasiir de na de dast-e-duaa ham aaj uThaaye huye to hai.n [iKhtiyaar=control; taasiir=result; dast-e-duaa=hands raised in prayer] miTate huo.n ko dekh ke kyo.n ro na de.n 'Majaz' aaKhir kisii ke ham bhii miTaaye huye to hai.n Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
(#7)
|
|
~$uper M0der@tor~
Offline
Posts: 8,417
Join Date: Feb 2006
Rep Power: 61
|
3rd March 2013, 06:37 PM
Bahot khoobsurat silsile ko anjaam de rahe hain aap sab..... jaari rakkheN...
shukriyaa.... |
|
|
|
|
|
|
|
|
|
|
|
|
(#8)
|
|
~$uper M0der@tor~
Offline
Posts: 8,417
Join Date: Feb 2006
Rep Power: 61
|
3rd March 2013, 06:37 PM
Bahot khoobsurat silsile ko anjaam de rahe hain aap sab..... jaari rakkheN...
shukriyaa.... |
|
|
|
|
|
|
|
|
|
|
|
|
(#9)
|
|
Aapki dost
Offline
Posts: 7,325
Join Date: Feb 2008
Rep Power: 57
|
4th March 2013, 06:23 PM
Asraar sahab ki kahaani Maikash ji ki zubaani..............
aadaab dosto aaj aapko aik aise shaayir ka qalaam aur uski dastaan sunaane ko jee chaha jise jab bhi yaad karta huuN to dil zaar-zaar ho jaata hai...... janaab asrar-ul-haq "majaz"....... jinheN koi sharaabi kehta to koi genius inka janam 1909 meiN awadh ke aik kasbe "radauli" meiN hua. taa'liim ki shuruvaat lukhnow ke ameenabaad high school se hui.....bachpan meiN khelne-kuudne ki bajaye majaz khoobsuurati ke qaayil rahe.....kisi suNdar khaa'tuun ko dekh lete to uske saath GhaNToN baateN karte rehte........ school ke baad aagra ke saint johns college meiN daaKhilaa liya......jahaaN unki mulaqaat muin ehsan "jazbi" aur "fani badayuni" jaise shayiroN se hui aur yahiiN se unke shayraana safar ka aaghaz hua. fani badayuni ko majaaz ne ustaad tasleem kiya. aligarh university se B.A ki degree haasil ki...... yeh voh daur tha jab saara aligarh girls college majaz ka deewana tha.....laRkiiyaN majaz ke qalaam taqiyoN ke neeche chhupa kar rakhti thiiN.....uske she'r gungunaati thiiN.....kahaaN rehta hai ? kya karta hai ? kisi se mohabbat to nai karta ? yeh sawaal kiya karti thiiN...... phir 1936 meiN radio magazine "aawaaz" ke editor ki haisiiyat se majaaz ka "dilli" (delhi) aana hua....... aur inko aik aisi ladki se mohabbat ho gayi jiski shaadi ho chuki thi.....bohat khoobsuurat aur aik ameer gharaane se ta'lluqaat rakhne waali is laRki ke saath majaz ki mohabbat ziyada der na chal saki.....sirf aik saal ke baad hi majaz ne naukri choR kar lukhnow waapis jaana ka iraada kiya......lekin ishq meiN khataa khaaye majaaz dard ki shiddat se kis tarah tadap rahe the iska andaaza aap unki iss nazm se lagaa sakte haiN jo unhone delhi choRne se pehle likhi :- rukhsat ai dilli teri mehfil se ab jaata huuN maiN nauhagar* jaata huuN maiN , naala-b-lab* jaata huuN maiN nauhagar = vilaap karte hue, rote hue naala-b-lab = hoThoN par aah liye tera dil dhaDkaa chuke haiN mere ehsaasaat bhi tere aivaanoN* meiN goonje haiN mere naGhmaat bhi aivaan = mahal jannateN aabaad haiN tere dar-o-deewar meiN aur tu aabaad hai shaayir ke qalb-e-zaar meiN* qalb-e-zaar = TuuTaa hua dil yaad aayegi mujhe be-tarah yaad aayegi tu ae'n waqt-e-maikashi aaNkhoN meiN phir jaayegi tu kya kahuN kis shauq se aaya tha teri bazm meiN choR kar khuld-e-aligarh* ki hazaaroN mehfileN khuld-e-aligarh = aligarh ki jannat kitne raNgiiN ahd-o-paimaaN toD kar aaya tha maiN dil nawaazaan-e-chaman ko choR kar aaya tha maiN ik nasheman maine choRa ik nasheman chuT gaya saaz bas cheDa hi tha maine ki gulshan chuT gaya dil meiN soz-e-Gham ki ik duniya liye jaata huuN maiN aah , tere maikade se be-piye jaata huuN maiN jaate-jaate lekin ik paimaaN kiye jaata huuN maiN apne azm-e-sarfaroshi* ki kasam khaata huuN maiN azm-e-sarfaroshi = jaan par khel jaane ka iraada phir teri bazm-e-hasiiN meiN lauT kar aauNga maiN aauNga maiN aur ba-aNdaaz-e-digar* aauNga maiN ba-aNdaaz-e-digar = aik alag andaaz ke saath aah, voh chakkar diye haiN gardish-e-ayyaam ne khol kar rakh di haiN aaNkheN talKhi-e-aalaam* ne talKhi-e-aalaam = dukhoN ki kaDvaahat fitrat-e-dil dushman-e-naGhma hui jaati hai ab ziNdagi ik barq* ik shol'aa hui jaati hai ab barq = bijli sar se paa taq aik khooni raag ban kar aauNga laalaazaar-e-raNg-o-buu meiN aag ban kar aauNga dilli se jab lukhnow waapis aaye to betahaasha sharaab peena shuru kar diya........peene ki latt aisi lagi ke nervous breakdown ho gaya.....paagalpan ke daure paDne lage......aur majaz paagalpan meiN kehte rahte "falaaN ladki mujhse shaadi karna chahti hai lekin raqeeb usey zahar dena chahte haiN" kuch der ye silsila chala aur jab ilaaj se zahan ka tavvajun barqaraar hua to ghar waaloN se socha ke shaadi kar di jaaye.....lekin aik baar paagal ho chuke majaz ke saath apni laRki ki shaadi karna kisi ko gawara na hua......vohi log jo majaz ke dewaane the ab katraane lage..... ab majaz ne saNbhalne ka iraada kiya.....kuch dinoN taq "bombay information" meN kaam kiya......wahaan se lauT kar lukhnow university meiN L.L.B meiN daakhila le liya......"sardar jafri" saahab ke saath mil kar "naya adab" naam ki aik magazine bhi nikaali.......aur phir harding library,delhi meiN assistant librarian ki naukrii karne lage...... inhiiN dinoN ghar waalon ne aik rishta talaash kiya.....majaaz ne bhi yeh soch kar haami bhar di ke shaayad ziNdagi meiN sukuun aur khushi ka mahaul bane.......lekin jab apne hone waale sasur se mile to unko 150 rupaye mahina kamaane waale majaaz ki haisiiyat bohat choTi lagi aur rishte se inkaar kar diya...... mohabbat meiN khata khaaye majaz ko is baar unki gariibi ne is qadar kuchlaa ke 1954 meiN duusri baar paagalpan ka daura paDa......is baar dimaag par itna gehra asar hua ke apni mahaanta ke raag alaapne lage......shayaroN ke naamoN ki list banaate aut "Ghalib" aur "iqbaal" ke baad apna naam likh dete......doctors se jee-jaan se koshish ki , ghar waaloN ne koi kasar baaqi na rakkhi.....aur is baar bhi dimaagi bimaari se to nijaat mil gayi lekin zindagi meiN koi badlaav na aaya.......sharaab-noshii badhti gayi........ 1948 meN aik raat janaab prakash paNdit ( the credit for this story goes to him) aur "saahir ludhianvi" saahab delhi ke "naya mohhala", "pul baNgash" ke makaan meiN meN apna samaan rakh rahe the to prakash saahab ke saamne aik shakhs laDkhaDaata huaa , hawaa meiN uNgliiyoN se kuch likhne ki koshish karta hua , aa khaDa hua aur chill'aa-chill'aa kar kehna laga : "Akhtar sheerani mar gaya, haye akhtar tu urdu ka bohat bada shaayar tha - bohat bada" ..... ......itne meiN "josh malihabadi" saahab aa gaye aur kehne lage "isey saNbhaalo prakash , ye majaz hai" majaz prakash saahab ke ghar kuch arsa rahe.....lekin aksar gaayab ho jaaya karte......phaTe-puraane kapde pehne , bina khaaye-peeye kayi dionoN taq galiiyoN ki khaak chhan'te rehte ke sharaab kahiiN se mil jaaye......aur log majaz ko sharaab pilaate aur apne manoranjan ke liye unki shayri sunte.....jab uktaa jaate to sab apne-apne ghar chale jaate aur majaz vahiiN pade rehte........ aap meiN se kayi dostoN ne jagjit singh ki album "kahkashan" se yeh nazm "ai gham-e-dil kya karun" zaruur suni hogi jiska unvaan hai "aawaara" ......yeh nazm majaz ki hi hai aur mere khayaal se jagjit singh saahab ne majaz ke saath insaaf nai kiya jo nazm "aadhi" hi gaayi...... puuri nazm yuuN hai ......... :- ...............................................Aaw aara....................................... shahar kii raat aur mai.n naashaad-o-naakaaraa* phiruuN jag_magaatii jaagatii saDakoN pe aavaaraa phiruuN Gair kii bastii hai kab tak dar badar maraa phiruuN ai Gam-e-dil kyaa karuuN ai vahashat-e-dil kyaa karuuN ***naashaad-o-naakaaraa = udaas aur be-kaar**** jhil_milate qum_qumoN kii* raah meN zanjiir sii raat ke haathoN meN din kii mohanii tasviir sii mere siine par magar chalatii hu_ii shamashiir sii ai Gam-e-dil kyaa karuuN ai vahashat-e-dil kyaa karuuN *****jhil_milate qum_qumoN kii = bijli ki raushniiyoN ki****** ye rupahalii* chhaaoN ye aakaash par taaroN kaa jaal jaise suufii kaa tasavvur jaise aashiq kaa Khayaal aah lekin kaun jaane kaun samajhe jii kaa haal ai Gam-e-dil kyaa karuuN ai vahashat-e-dil kyaa karuuN ******rupahalii = chaaNdi ke raNg jaisi******** phir vo TuuTaa ik sitaaraa phir vo chhuuTii phul_jhaDii jaane kis kii god meN aaye ye motii kii laDii huuk sii siine meN uThii choT sii dil par paDii ai Gam-e-dil kyaa karuuN ai vahashat-e-dil kyaa karuuN raat haNs haNs kar ye kahatii hai ke maiKhaane meN chal phir kisii shah_naaz-e-laalaaruKh* ke kaashaane* meN chal ye nahiiN mumkin to phir ai dost viiraane meN chal ai Gam-e-dil kyaa karuuN ai vahashat-e-dil kyaa karuuN *******shah_naaz-e-laalaaruKh = phuuloN se chehre waali ladki , kaashaana = makaan********* har taraf bikharii hu_ii rangiiniyaaN raanaa_iiyaaN har qadam par isharateN letii huii angaDaiiyaa.N ba.Dh rahii hai god phailaaye hue rusavaa_iiyaaN ai Gam-e-dil kyaa karuuN ai vahashat-e-dil kyaa karuuN raaste meN ruk ke dam le luuN merii aadat nahiiN lauT kar vaapas chalaa jaa_uuN merii fitarat nahiiN aur ko_ii ham_navaa mil jaaye ye qismat nahiiN ai Gam-e-dil kyaa karuuN ai vahashat-e-dil kyaa karuuN muntazir hai ek tuufaan-e-balaa* mere liye ab bhii jaane kitane daravaaze haiN vaa* mere liye par musibat hai meraa ahad-e-vafaa* mere liye ai Gam-e-dil kyaa karuuN ai vahashat-e-dil kyaa karuuN ******tuufaan-e-balaa = musiibatoN ka tuufaan , vaa = khule hue , ahad-e-vafaa = vafaa karne ke vaada jii meN aataa hai ki ab ahad-e-vafaa bhii toD duuN un ko paa sakataa huuN maiN ye aasaraa bhii chhoD duuN haaN munaasib hai ye zanjiir-e-havaa bhi toD duuN ai Gam-e-dil kyaa karuuN ai vahashat-e-dil kyaa karuuN ik mahal kii aaD se nikalaa vo piilaa maah_taab* jaise mullaah kaa amaamaa* jaise baniye kii kitaab jaise muflis* kii javaanii jaise bevaa kaa shabaab ai Gam-e-dil kyaa karuuN ai vahashat-e-dil kyaa karuuN ******maah_taab = chaand , amaamaa = pagRii , muflis = gareeb******** dil me ek sholaa bhaDak uThaa hai aaKhir kyaa karuuN meraa paimaanaa chhalak uThaa hai aaKhir kyaa karuuN zaKhm siine kaa mahak uThaa hai aaKhir kyaa karuuN ai Gam-e-dil kyaa karuuN ai vahashat-e-dil kyaa karuuN jii meN aataa hai ye murdaa chaaNd-taare noch luuN is kinaare noch luuN aur us kinaare noch luuN ek do kaa zikr kyaa saare ke saare noch luuN ai Gam-e-dil kyaa karuuN ai vahashat-e-dil kyaa karuuN muflisii aur ye mazaahir* haiN nazar ke saamane saikaDoN sultaan-e-jaabar* haiN nazar ke saamane saikaDoN changez-o-naadir haiN nazar ke saamane ai Gam-e-dil kyaa karuuN ai vahashat-e-dil kyaa karuuN ******mazaahir = nazaare , sultaan-e-jaabar = zulm karne vaale baadshaah****** le ke ik changez ke haathoN se Khanjar toD duuN taaj par us ke damakataa hai jo patthar toD duuN ko_ii toDe yaa na toDe maiN hii baDhakar toD duuN ai Gam-e-dil kyaa karuuN ai vahashat-e-dil kyaa karuuN baDh ke is indar-sabhaa kaa saaz-o-saamaaN phuuNk duuN is kaa gulshan phuuNk duuN us kaa shabistaaN* phuuNk duuN taKht-e-sultaaN kyaa maiN saaraa qasr-e-sultaaN* phuuNk duuN ai Gam-e-dil kyaa karuuN ai vahashat-e-dil kyaa karuuN ******shabistaaN = aaraam karne ka kamra , qasr-e-sultaaN = shaahi mahal********** .................................................. .................................................. . ye prakash paNdit saahab ke alfaaz haiN ke unhone dilli ki kai aisi mehfiloN ki yaad hai jahaaN uuNche-uuNche gharaane ki aurateN jamaa hoti thiiN aur majaz ko khoob sharaab pilaayi jaati aur phir unse taabaD-toD ghazleN aur nazmeiN suniiN jaati aur jab majaz ki saaNs jawaab dene lagti aur unke mezbaan ko lagne lagta ke ab yeh kuch na suka sakega to unheN "driver" ke hawaale kar diya jaata aur driver unheiN kisi sunsaan gali ya maidaan ya kisi railway station ke bench par choR aata......... lekin khud majaz ko ab apni koi parvaah nahiin thi.....unhin ka aik sher hai :- meri barbaadiioN ke ham-nasheeno tumheN kya , khud mujhe bhi Gham nahin hai us raat bhi kuch logoN ne aisi hi mehfil jamai aur majaz ko khoob sharaab pilaayi gayi.......aur jab boriyat hone lagi to sab uth kar apne-apne ghar chal diye........lekin mere mehbuub shaayir ko vahiiN khuli chhat par choR gaye..... december ki us barfiili raat meiN saari raat maikhaane ki chhat par pade rehne ki wajah se majaz ke dimaag ki nas fatt gayi aur 6 december 1955 ko balrampur hospital lukhnow meiN voh is faani duniye se kinaara kar gaye..... unki aik Ghazal hai :- meri masti meN ab hosh hi ka taur hai saaqi tere saaghar meN ye sehba nahiiN kuch aur hai saaqi bhaDakti jaa rahi hai dam-ba-dam ik aag si dil meN ye kaise jaam haiN saaqi ye kaisa daur hai saaqi vo shay de jis se neeNd aa jaaye aql-e-fitna-parvar ko ke dil aazurdah-e-tam'iiz-e-lutf-o-zaur hai saaqi jawaani aur yuuN ghir jaaye tuufaan-e-hawadis meN khuda rakkhe abhi to bekhudi ka daur hai saaqi chhalakti hai jo tere jaam se uss ma'i ka kya kehna tere shaadaab hoNthoN ki magar kuch aur hai saaqi mujhe peene de, peene de ke tere jaam-e-la'lee meN abhi kuch aur hai , kuch aur hai , kuch aur hai saaqi majaz ne itna ziyada nahin likha jitna meer , ghalib aur faraz ne likha hai lekin unke sukhan meiN jo dard aur jo kashish hai kam-az-kam mujhe kahiiN aur dikhaayi nai deti ba-har-haal aap sab dostoN se meri guzaarish hai ke majaz ka koi qalaam kisi se post karna ho to isi thread meN kijiye...... maiN chahta huuN ke aise kayi thread aur shayiroN ke bhi shuru kiye jaayeN........ lekin yeh is baat par munhasir hai ke aur ehbaab kitna contribute karte haiN...... ijaazat dijiye maikash Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
(#10)
|
|
~$uper M0der@tor~
Offline
Posts: 8,417
Join Date: Feb 2006
Rep Power: 61
|
5th March 2013, 01:47 PM
Very Nice informations.....
but mujeh lagta hai aisii information publicaly nahi honi chahiye.... this should be limited for genuine SDC users... Warna aapko to pata hi hai.. koi bechara mehnat kare, articles likhe... aur copy paste duniya bhar ki websites me ho jata hai.... asal credit kisi aur kaa aur waahwahi kisi aur ki... hope u understand..... |
|
|
|
|
|
|
|
|
|
|
|
|
(#11)
|
|
|
Aapki dost
Offline
Posts: 7,325
Join Date: Feb 2008
Rep Power: 57
|
5th March 2013, 01:57 PM
Quote:
Hahahaha.....lol.......  Sdc.......kuch logon ke liye survive karne ka sahaara.....let them live......  Aqalmand log original aur copy paste me farq kar hi lenge..... Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
|
(#12)
|
|
Aapki dost
Offline
Posts: 7,325
Join Date: Feb 2008
Rep Power: 57
|
5th March 2013, 03:24 PM
Saaraa aalam gosh bar aavaaz hai
aaj kin haatho.n me.n dil kaa saaz hai haa.N zaraa jurrat dikhaa ai jazb-e-dil husn ko parde pe apane naaz hai kam_nashii.n dil kii haqiiqat kyaa kahuu.N soz me.n Dubaa hu_aa ik saaz hai aap kii maKhmuur aa.Nkho.n kii qasam merii maiKhvaarii abhii tak raaz hai ha.Ns diye vo mere rone par magar un ke ha.Ns dene me.n bhii ek raaz hai chhup gaye vo saaz-e-hastii chhe.D kar ab to bas aavaaz hii aavaaz hai husn ko naahaq pashemaa.N kar diyaa ai junuu.N ye bhii ko_ii andaaaz hai saarii mahafil jis pe jhuum uTThii 'Majaz' vo to aavaaz-e-shikast-e-saaz hai Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
(#13)
|
|
Aapki dost
Offline
Posts: 7,325
Join Date: Feb 2008
Rep Power: 57
|
8th March 2013, 02:17 AM
Taskiin-e-dil-e-mahazuu na huii vo sa_ii-e-qaram faramaa bhii gaye
us sa_ii-e-qaram kaa kyaa kahiye bahalaa bhii gaye ta.Dapaa bhii gaye Ek arz-e-vafaa bhii kar na sake kuchh kah na sake kuchh sun na sake yahaa.N ham ne zabaa.N hii khole thii vahaa.N aa.Nkh jhukii sharamaa bhii gaye Aashuftagii-e-vahashat kii qasam hairat kii qasam hasarat kii qasam ab aap kahe kuchhh yaa na kahe ham raaz-e-tabassum paa bhii gaye Ruudaad-e-Gam-e-ulfat un se ham kyaa kahate kyo.nkar kahate ek harf na nikalaa hoTho.n se aur aa.Nkh me.n aa.Nsuu aa bhii gaye Arbaab-e-junuu.N pe furkat me.n ab kyaa kahiye kyaa kyaa guzaraa aaye the savaad-e-ulfat me.n kuchhh kho bhii gaye kuchhh paa bhii gaye Ye rang-e-bahaar-e-aalam hai kyaa fiqr hai tujh ko ai saaqii mahafil to terii sunii na huii kuchhh uTh bhii gaye kuchhh aa bhii gaye Is mahafil-e-kaif-o-mastii me.n is anjuman-e-irafaanii me.n sab jaam-ba-kaf baiThe rahe ham pii bhii gaye chhhalakaa bhii gaye Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
(#14)
|
|
Aapki dost
Offline
Posts: 7,325
Join Date: Feb 2008
Rep Power: 57
|
8th March 2013, 02:21 AM
http://www.youtube.com/watch?v=aGCbxsdsiOQ ab mere paas tum aayee ho to kya aayee ho maine maana ke tum ik paikar-e-raanaee ho chaman-e-daher mein rooh-e-chamanarayee ho tallat-e-meher ho firdaus ki barnai ho bint-e-mehtaab ho gardoo se utar aayee ho mujhse milne mein abandesha-e-ruswaayee hai maine khud apne kiye ki ye saza paayee hai ab mere paas tum aayee ho to kya aayee ho un dino mujpe qayamat ka junoon taari thaa sar pe sarshaari-o-ishrat ka junoon taari thaa maahpaaron se mohabbat ka junoon taari thaa shehri yaaron se raqabat ka junoon taari thaa bistar-e-makhmal-o-sanjaab thee duniya meri ek rangeen-o-haseeN khwaab thee duniya meri kya sunogi meri majrooh jawaani ki pukaar meri fariyaad-e-jigar doz mera lala-e-zaar shiddhat-e-kard mein doobi huyee meri guftaar main ke khud apne mazak-e-tarabgee ka shikaar wo gudaaz-e-dil-e-marhoom kahan se laaoon ab mein wo Jazba-e-masoom kahan se laaoon ab mere pass tum aayee ho to kya aayee ho Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
(#15)
|
|
Aapki dost
Offline
Posts: 7,325
Join Date: Feb 2008
Rep Power: 57
|
8th March 2013, 10:03 PM
A FILM ON MAJAZ SAHAB
http://www.youtube.com/watch?v=XnpUW1zBU7c http://www.youtube.com/watch?v=TKd011Jzqtc Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
(#16)
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
9th March 2013, 01:15 AM
izn-e-Khiraam lete huye aasamaaN se ham
haTakar chale haiN rahaguzar-e-kaaravaaN se ham kyoN'kar huaa hai faash zamaane pe kyaa kaheN vo raaz-e-dil jo keh na sake raazadaaN se ham ham_dam yahii hai rahaguzar-e-yaar-e-Khush_Khiraam guzare haiN laakh baar isii kahakashaaN se ham kyaa kyaa huaa hai ham se junuuN meiN na puuchhiye uljhe kabhii zamiiN se kabhii aasamaaN se ham Thukaraa diye haiN aql-o-Khiraad ke sanam_kade ghabraa chuke haiN kashamakash-e-imtehaaN se ham baKhshii haiN ham ko ishq ne vo jurrateN 'Majaz' Darte nahiiN siyaasat-e-ahal-e-jahaaN se ham is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
|
|
|
|
|
|
|
|
|
|
|
|
(#17)
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
9th March 2013, 01:18 AM
junuun-e-shauq ab bhi kam nahiiN hai
magar vo aaj bhi barham nahiiN hai bahut mushkil hai duniyaa kaa saNvarnaa terii zulfoN ke pech-o-Kham nahiiN hai bahut kuchh aur bhii hai is jahaaN meiN ye duniyaa mahaz Gham hi Gham nahiiN hai merii barbaadiyo ke ham_nashinoN tumheN kyaa Khud mujhe bhi Gham nahiiN hai abhii bazm-e-tarab se kyaa uThuuN maiN abhii to aaNkh bhii pur_nam nahiiN hai 'Majaz' ek baadaakash to hai yaqeenan jo ham sunate the vo aalam nahiiN hai is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
|
|
|
|
|
|
|
|
|
|
|
|
(#18)
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
9th March 2013, 01:33 AM
hijaab-e-fitna parwar ab utha leti to achha thaa
khud apne husn ko parda bana leti to achha thaa teri neechi nazar khud teri ismat ki muhafiz hai tu is nashtar ki tezi aazma leti to achha thaa tere maathe ka teeka mard ki kismat ka taara hai agar tu saaz-e-bedaari uThaa leti to achha thaa tere maathe pe ye aaNchal bahut hi khoob hai lekin tu is aaNchal se ik parcham bana leti to achha thaa agar khilwat meiN tuune sar uThaaya bhi to kya haasil bharii mehfil meiN aa kar sar jhukaa leti to acchha tha dil-e-majrooh ko majrooh'tar karne se kya haasil tu aaNsoo poNchhkar ab muskura leti to acchha tha is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
|
|
|
|
|
|
|
|
|
|
|
|
(#19)
|
|
|
Shayri.com Moderator
Offline
Posts: 10,551
Join Date: Aug 2006
Location: INDIA
Rep Power: 59
|
9th March 2013, 09:23 AM
Quote:
bahot hi Khoob Ghazal ! aapka ~Dhaval |
|
|
|
|
|
|
|
|
|
|
|
|
|
(#20)
|
|
Aapki dost
Offline
Posts: 7,325
Join Date: Feb 2008
Rep Power: 57
|
10th March 2013, 08:17 AM
Dekhna Jazbe Mohabbat Ka Asar, Aaj Ki Raat
Dekhna Jazbe Mohabbat Ka Asar, Aaj Ki Raat Mere Shaane Pe Hai Us Shokh Ka Sar, Aaj Ki Raat Noor Hi Noor Hai Kis Simth Uthaoon Aankhen Husn Hi Husn Hai Taahath-E-Nazar Aaj Ki Raat Husn Hi Husn Hai Naghma-O-Mai Ka Ye Toofan-E-Tarab Kya Kehna Mera Ghar Ban Gaya Khaiyyam Ka Ghar Aaj Ki Raat Mera Ghar Ban Gaya Khaiyyam Ka Ghar Aaj Ki Raat Dekhna Jazbe Mohabbat Ka Asar Aaj Ki Raat Mere Shaane Pe Hai Us Shokh Ka Sar Aaj Ki Raat Nargis-E-Naaz Mein Woh Neendh Ka Halka Sa Khumaar Woh Mere Naghma-E-Shireen Ka Asar Aaj Ki Raat Woh Mere Naghma-E-Shireen Ka Asar Aaj Ki Raat Dekha Jazbe Mohabbat Ka Asar Aaj ki Raat Mere Shaane Pe Hai Us Shokh Ka Sar Aaj Ki Raat http://hindigeetmala.com/song/dekhna...at_ka_asar.htm Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
(#21)
|
|
.. ek andaaz
Offline
Posts: 1,681
Join Date: Mar 2003
Location: lucknow , hindustaan
Rep Power: 37
|
10th March 2013, 12:26 PM
Bahut bahut shukriya zainy saahiba..
Mere pasandida shayroN meiN se ek haiN majaaz saaheb Ghar pe nahi huN aur mobile se mumkin nahi ..par safar se laut Te hi majaaz saaheb ka ek nagma aapki buzm meiN humari taraf se bhi pakka .. Apna khyaal rakhiye |
|
|
|
|
|
|
|
|
|
|
|
|
(#22)
|
|
Aapki dost
Offline
Posts: 7,325
Join Date: Feb 2008
Rep Power: 57
|
11th March 2013, 08:36 AM
One of my most fav. nazm of Majaaz sahab...I dedicate this to my beloved shayri.com ..
TARAANA E ALIGARH MUSLIM UNIVERSITY ye meraa chaman hai meraa chaman, maiN apne chaman kaa bulbul huuN sarshaar-e-nigaah-e-nargis huuN, paa-bastaa-e-gesuu-sumbul huuN (chaman : garden; bulbul : nightingale; sarshaar : overflowing, soaked; nigaah : sight; nargis :flower, Narcissus; paa-bastaa : embedded; gesuu : tresses; sumbul : a plant of sweet odor) ye meraa chaman hai meraa chaman, maiN apne chaman ka bulbul huuN jo taaq-e-haram meN roshan hai vo shamaa yahaaN bhii jaltii hai is dasht ke goshe-goshe se, ek juu-e-hayaat ubaltii hai ye dasht-e-junuuN diivaanoN kaa, ye bazm-e-vafaa parvaanoN kii ye shahr-e-tarab ruumaanoN kaa, ye Khuld-e-bariiN armaanoN kii fitrat ne sikhaii hai ham ko, uftaad yahaaN parvaaz yahaaN gaaye haiN vafaa ke giit yahaaN, chheRaa hai junuuN kaa saaz yahaaN (taaq-e-haram : vault in the sacred territory of Mecca; roshan : glowing; shamaa : flame; dasht : wilderness, desert; goshaa : corner; juu-e-hayaat : stream of life; junuuN : frenzy; bazm : gathering; vafaa : faithfulness; shahr-e-tarab : city of mirth; Khuld-e-bariiN : sublime paradise; armaan : hopes; fitrat : nature; uftaad : beginning of life; parvaaz : flight; saaz : song on an instrument) ye meraa chaman hai meraa chaman, maiN apne chaman ka bulbul huuN is bazm meN teGheN khenchiiN haiN, is bazm meN saGhar toRe haiN is bazm meN aanKh bichaa’ii hai, is bazm meN dil tak joRe haiN har shaam hai shaam-e-Misr yahaaN, har shab hai shab-e-Sheeraz yahaaN hai saare jahaaN kaa soz yahaaN aur saare jahaaN kaa saaz yahaaN zarraat kaa bosaa lene ko, sau baar jhukaa aakaash yahaaN Khud aankh se ham ne dekhii hai, baatil kii shikast-e-faash yahaaN (teGh : swords; saGhar : goblets; shaam-e-Misr : evenings of Egpyt; shab-e-Sheeraz : nights of Sheeraz, a famous city of Iran; soz : pain; zarraat : dust; bosaa : kiss; baatil : evil; shikast-e-faash: clear defeat) ye mera chaman hai mera chaman, main apne chaman ka bulbul hun jo abr yahaaN se uThThega, vo saare jahaaN par barsegaa har juu-e-ravaan par barsegaa, har koh-e-garaaN par barsegaa har sard-o-saman par barsegaa, har dasht-o-daman par barsegaa Khud apne chaman par barsegaa, GhairoN ke chaman par barsegaa har shahr-e-tarab par garjegaa, har qasr-e-tarab par kaRkegaa (abr : cloud; juu-e-ravaan : flowing streams; koh-e-garaaN : big mountains; sard-o-saman : open and shelter; dasht-o-daman : wild and subdued; qasr-e-tarab : citadel of joy) ye abr hameshaa barsaa hai, ye abr hameshaa barsegaa ye abr hameshaa barsaa hai, ye abr hameshaa barsegaa ye abr hameshaa barsaa hai, ye abr hameshaa barsegaa barsegaa, barsegaa, barsegaa………………….. Asrarul Haq Majaz http://www.youtube.com/watch?v=VIos_YTJ3po Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
(#23)
|
||||
|
Aapki dost
Offline
Posts: 7,325
Join Date: Feb 2008
Rep Power: 57
|
12th March 2013, 12:54 PM
Quote:
Quote:
Quote:
Quote:
Aap sab ka tah e dil se shukriyah dostoN.... Ummid hai is thread ko aagay badhane me aap sab ki madad milti rahegi..... Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
||||
|
|
|
|
|
|
|
|
|
|
|
|
(#24)
|
|
|
~$uper M0der@tor~
Offline
Posts: 8,417
Join Date: Feb 2006
Rep Power: 61
|
12th March 2013, 01:55 PM
Quote:
|
|
|
|
|
|
|
|
|
|
|
|
|
|
(#25)
|
|
Aapki dost
Offline
Posts: 7,325
Join Date: Feb 2008
Rep Power: 57
|
13th March 2013, 01:45 AM
kuchh tujh ko Khabar hai ham kyaa kyaa ai shorish-e-dauraaN bhuul gaye
vo zulf-e-pareshaaN bhuul gaye vo diidaa-e-giriiyaaN bhuul gaye ai shauq-e-nazaaraa kyaa kahiye nazaroN meiN koii suurat hii nahiiN ai zauq-e-tasavvur kyaa kahiye ham suurat-e-jaanaaN bhuul gaye ab gul se nazar milatii hii nahiiN ab dil kii kalii khil'tee hii nahiiN ai fasl-e-bahaaraaN ruKhasat ho ham lutf-e-bahaaraaN bhuul gaye sab ko to madaavaa kar Daalaa apanaa hii madaavaa kar na sake sab ke girebaaN sii Daale apanaa hii girebaaN bhuul gaye ye apanii vafaa kaa aalaam hai ab un kii jafaa ko kyaa kahiye ek nashtar-e-zahar-e-aagaahii rakh kar nazdiik-e-rag-e-jaaN bhuul gaye Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
(#26)
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
14th March 2013, 06:09 PM
Khud dil meiN reh ke aaNkh se pardaa kare koii
haaN lutf jab hai paake bhii DhuuNDhaa kare koii tum ne to hukm-e-tarq-e-tamannaa sunaa diyaa kis dil se aah tarq-e-tamannaa kare koii duniyaa laraz gayi dil-e-hiramaaN nasiib kii is tarah saaz-e-aish na chheRaa kare koii mujhko ye aarazuu vo uThaayeN naqaab khud un ko ye iNtezaar taqaazaa kare koii raNgeeni-e-naqaab meiN gum ho gayi nazar kyaa be-hijaabiyoN kaa taqaazaa kare koii yaa to kisii ko jurrat-e-diidaar hi na ho yaa phir meri nigaah se dekhaa kare koii hoti hai is meiN husn ki tauheen ai 'Majaz' itnaa na ahal-e-ishq ko rusavaa kare koii is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
|
|
|
|
|
|
|
|
|
|
|
|
(#27)
|
|
~$uper M0der@tor~
Offline
Posts: 8,417
Join Date: Feb 2006
Rep Power: 61
|
14th March 2013, 06:24 PM
ai shauq-e-nazaaraa kyaa kahiye nazaroN meiN koii suurat hii nahiiN
ai zauq-e-tasavvur kyaa kahiye ham suurat-e-jaanaaN bhuul gaye waaahhhhh.............. mujhko ye aarazuu vo uThaayeN naqaab khud un ko ye iNtezaar taqaazaa kare koii subhan Allah........ kyaa khoob sher hain , majaaz ki baat hi aur hai...... TFS both of you.... |
|
|
|
|
|
|
|
|
|
|
|
|
(#28)
|
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
14th March 2013, 06:29 PM
Quote:
muqammal nazm yeh rahi :  ab mere paas tum aayii ho to kyaa aayii ho maine maanaa ke tum ek paikar-e-raana’ii ho chaman-e-dah’r meN ruuh-e-chaman-aara’ii ho tal’at-e-mah’r ho, firdaus kii barnaa’ii ho bint-e-mahtaab ho, garduuN se utar aa’ii ho (paikar-e-raana’ii : portrait of beauty; chaman-e-dah’r : terrestial garden; ruuh-e-chaman-aara’ii : soul of beautified garden; tal’at-e-mah’r : appearence as that of Sun; barnaa’ii : youth; bint-e-mahtaab : daughter of moon; garduuN : fortune and her revolving wheel) mujh se milne meN ab andeshaa-e-rusvaa’ii hai maine Khud apne kiye kii ye sazaa paa’ii hai (andeshaa-e-rusvaa’ii : chance of disrepute) Khaak meN aah milaa’ii hai javaanii maiN ne shoala-zaaroN meN jalaa’ii hai javaanii maiN ne shah’r-e-KhuubaaN meN ganvaa’ii hai javaanii maiN ne Khvaab-gaahoN meN jagaa’ii hai javaanii maiN ne ( shoala-zaaroN : flaming lamentations; shah’r-e-KhuubaaN : city of the beautiful) husn ne jab bhii inaayat kii nazar Daalii hai mere paimaan-e-muhabbat ne sapar Daalii hai (inaayat : favour; paimaan-e-muhabbat : assertion of love; sapar : journey) un dinoN mujh pe qayaamat kaa junuuN taarii thaa sar pe sarshaarii-o-ishrat kaa junuuN taarii thaa maahpaaroN se muhabbat ka junuuN taarii thaa shah’ryaaroN se raqaabat ka junuuN taarii thaa (sarshaarii-o-ishrat : drinking and pleasure; maahpaaroN : beautiful person; shah’ryaaroN : people in power ) bistar-e-maKhmal-o-sanjaab thii duniyaa merii ek rangiin-o-hasiiN khvaab thii duniyaa merii (bistar-e-maKhmal-o-sanjaab : bed of velvet and fur; rangiin-o-hasiiN : colorful and beautiful) jannat-e-shauq thii begaana-e-aafat-e-samuum dard jab dard na ho, kaavish-e-darmaaN ma’aluum Khaak the diida-e-bebaak meN garduuN ke nujuum bazm-e-parviiN thii nigaahoN meN kaniizoN kaa hujuum (jannat-e-shauq : paradise of desire; begaana-e-aafat-e-samuum : carefree of troubles of hot blowing wind; kaavish-e-darmaaN : efforts for finding a medicine; diida : perception; garduuN : heaven; nujuum : stars; bazm-e-parviiN : a gathering of stars; kaniiz : maid) lailii-e-naaz baraaf-gandah niqaab aatii thii apnii aaNkhoN men liye da’avat-e-Khvaab aatii thii (lailii-e-naaz : night of coquetry, playfulness; da’avat-e-Khvaab : an invitation to dream) sang ko gohar-e-naayaab-o-garaaN jaanaa thaa dasht-e-purKhaar ko firdaus-e-javaaN jaanaa thaa reg ko silsilaa-e-aab-e-ravaaN jaanaa thaa aah ye raaz abhii maiN ne kahaaN jaanaa thaa (sang : rock; gohar-e-naayaab-o-garaaN : rare and expensive gem; dasht-e-purKhaar : forest full of thorns; firdaus-e-javaaN : paradise of youth; aab-e-ravaaN : water flow) merii har fat’h meN hai aik haziimat pinhaaN har masarrat meN hai raaz-e-Gham-o-hasrat pinhaaN (fat’h : victory; haziimat : defeat, ; pinhaaN : hidden; raaz-e-Gham-o-hasrat : secret of suffering and desire) kyaa sunogii merii majruuh javaanii kii pukaar merii fariyaad-e-jigar doz, meraa naala-e-zaar shiddat-e-karb meN Duubii hu’ii merii guftaar maiN ke Khud apne mazaaq-e-tarab aagiiN kaa shikaar (naala-e-zaar : tears of lamentation; shiddat-e-karb : intensity of grief; mazaaq-e-tarab : taste of desire; aagiiN : full) vo gudaaz-e-dil-e-marhuum kahaaN se laauuN ab maiN vo jazba-e-ma’asuum kahaaN se laauuN (gudaaz-e-dil-e-marhuum : lost tender heart; jazba-e-ma’asuum : innocent passion) mere saaye se Daro tum merii qurbat se Daro apnii jurraat kii qasam ab merii jurraat se Daro tum lataafat ho agar merii lataafat se Daro mere va’ade se Daro merii muhabbat se Daro (qurbat : proximity; jurraat : audacity; lataafat : delicateness) ab maiN altaaf-o-inaayaat kaa sazaavaar nahiiN, maiN vafaadaar nahiiN, haaN maiN vafaadaar nahiiN, (altaaf-o-inaayaat : favours and kindness) ab mere pass tum aayii ho to "kyaa" aayii ho......... is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
|
|
|
|
|
|
|
|
|
|
|
|
|
(#29)
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
14th March 2013, 06:34 PM
Jigar aur dil ko bachaanaa bhii hai
nazar aap hii se milaanaa bhii hai muhabbat kaa har bhed paanaa bhii hai magar apnaa daaman bachaanaa bhii hai jo dil tere Gham kaa nishaanaa bhii hai qateel-e-jafaa-e-zamaanaa bhii hai ye bijlii chamaktii hai kyuN dam-ba-dam chaman meN ko’ii aashiyaanaa bhii hai Khirad kii ata’at zaruurii sahii yahii to junuuN kaa zamaanaa bhii hai ye duniyaa, ye aqbaa kahaaN jaaiye kahiiN ahl-e-dil kaa thikaanaa bhii hai! mujhe aaj saahil pe rone bhii do ke tuufaan meN muskuraanaa bhii hai zamaane se aage to baRhiye “Majaz" zamaane ko aage baRhaanaa bhii hai is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
|
|
|
|
|
|
|
|
|
|
|
|
(#30)
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
15th March 2013, 12:13 AM
"Majaz had gone insane twice - he is drunk all the time and wanders aimlessly." Sahir Ludhianvi introuduced Majaz in this fashion in the journal 'Savera' published from Lahore. Majaz was terribly hurt. This is how he responded :
Kuch to hote haiN mohabbat meiN junuuN ke aasaar aur kuch log bhi deewana bana dete haiN! is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
|
|
|
|
|
|
|
|
|
|
|
|
(#31)
|
|
Aapki dost
Offline
Posts: 7,325
Join Date: Feb 2008
Rep Power: 57
|
15th March 2013, 09:43 PM
barbaad tamannaa pe ataab aur zyaadaa
haa.N merii mohabbat kaa javaab aur zyaadaa roye na abhii ahal-e-nazar haal pe mere honaa hai abhii mujh ko Kharaab aur zyaadaa aavaaraa-va-majanuu.N hii pe maukuuf nahii.n kuchh milane hai.n abhii mujh ko Khitaab aur zyaadaa uThe.nge abhii aur bhii tuufaa.N mere dil se dekhuu.Ngaa abhii ishq ke Khvaab aur zyaadaa Tapakegaa lahuu aur mere diidaa-e-tar se dha.Dakegaa dil-e-Khaanaa_Kharaab aur zyaadaa ai mutrib-e-bebaak ko_ii aur bhii naGmaa ai saaqii-e-fayyaaz sharaab aur zyaadaa Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
(#32)
|
|
Aapki dost
Offline
Posts: 7,325
Join Date: Feb 2008
Rep Power: 57
|
17th March 2013, 12:46 AM
husn phir fitnaagur hai kyaa kahiye
dil kii jaanib nazar hai kyaa kahiyeah phir vahii rahguzar hai kyaa kahiyeah zindagii raahbar hai kyaa kahiyeah husn Khud pardaadaar hai kyaa kahiyeah ye hamaarii nazar hai kyaa kahiyeah aah to be-asar thii barason se naGmaa bhii be-asar hai kyaa kahiyeah husn hai ab na husn ke jalvay ab nazar hii nazar hai kyaa kahiyeah aaj bhii hai ‘Majaz’ Khaak nasheen aur nazar arsh par hai kyaa kahiye Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
(#33)
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
17th March 2013, 02:49 AM
usne jab kahaa mujhse geet ek sunaa do naa
sard hai fizaa dil kii, aag tum lagaa do naa kyaa haseen tevar the, kyaa latiif lehja thaa aarzuu thii, hasrat thii, hukm thaa, taqaazaa thaa gungunaa ke mastii meN saaz le liyaa maine chheD hii diyaa aaKhir naGhma-e-vafaa maine yaas kaa dhuvaaN uThaa har navaa-e-Khastaa se aah kii sadaa niklii barbat-e-shikasta se is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
|
|
|
|
|
|
|
|
|
|
|
|
(#34)
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
17th March 2013, 02:52 AM
partav-e-sagar-e-sahba kya tha
raat ik hashn sa barpa kya tha kyoN jawaani ki mujhe yaad aayi maine ik khwab sa dekha kya tha husn ki aaNkh bhi namnaak hui ishq ko aapne samjha kya hai ishq ne aaNkh jhuka li varna husn aur husn ka parda kya tha kyoN 'majaz' aapne saagar toda aaj yeh shehr mein charcha kya tha is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
|
|
|
|
|
|
|
|
|
|
|
|
(#35)
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
17th March 2013, 02:56 AM
husn ko be-hijaab honaa thaa
shauq ko kaamayaab honaa thaa hijr meiN kaif-e-iztaraab na puuchh Khoon-e-dil bhii sharaab honaa thaa tere jalvoN meiN ghir gayaa aaKhir zarrey ko aafataab honaa thaa kuchh tumhaarii nigaah kaafir thii kuchh mujhe bhii Kharaab honaa thaa raat taaroN kaa TuuTanaa bhii 'Majaz' baa_is-e-iztaraab honaa thaa is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
|
|
|
|
|
|
|
|
|
|
|
|
(#36)
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
17th March 2013, 03:01 AM
junuun-e-shauq ab bhii kam nahiiN hai
magar vo aaj bhii barham nahiiN hai bahut mushkil hai duniyaa kaa saNvar'naa terii zulfoN ke pech-o-Kham nahiiN hai bahut kuchh aur bhii hai jahaaN meiN ye duniyaa mahaz Gham hii Gham nahiiN hai merii barbaadiyoN ke ham_nasheeno tumheN kyaa Khud mujhe bhii Gam nahiiN hai abhii bazm-e-tarab se kyaa uThuuN maiN abhii to aa.Nkh bhii pur_nam nahiiN hai 'majaz' ek baadaakash to hai yaqiinan jo ham sunate the vo aalam nahiiN hai is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
|
|
|
|
|
|
|
|
|
|
|
|
(#37)
|
|
Aapki dost
Offline
Posts: 7,325
Join Date: Feb 2008
Rep Power: 57
|
19th March 2013, 02:16 AM
kamaal-e-ishq hai deevaanaa ho gayaa huu.N mai.n ye kis ke haath se daaman chhu.Daa rahaa huu.N mai.n tumhii.n to ho jise kahtii hai naaKhudaa duniyaa bachaa sako to bachaa lo ki Duubataa huu.N mai.n ye mere ishq kii majbuuriyaa.N ma'az-allaah tumhaaraa raaz tumhii.n se chhupaa rahaa huu.N mai.n is ik hijaab pe sau be-hijaabiyaa.N sadaqe jahaa.N se chaahataa huu.N tumko dekhataa huu.N mai.n bataane vaale vahii.n par bataate hai.n ma.nzil hazaar baar jahaa.N se guzar chukaa huu.N mai.n kabhii ye zom ki tuu mujh se chhup nahii.n sakataa kabhii ye vaham ki Khud bhii chhupaa huaa huu.N mai.n mujhe sune na ko_ii mast-e-baadaa-e-isharat 'Majaz' TuuTe huye dil kii ik sadaa huu.N mai.n Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
(#38)
|
|
Aapki dost
Offline
Posts: 7,325
Join Date: Feb 2008
Rep Power: 57
|
21st March 2013, 04:49 PM
dil-e-Khuu.N_gashtaa-e-jafaa pe kahii.n
ab karam bhii giraa.N na ho jaaye tere biimaar kaa Khudaa haafiz nazr-e-chaaraagaraa.N na ho jaaye ishq kyaa kyaa n aafate.n Dhaaye husn gar mahar_baa.N na ho jaaye mai ke aage Gamo.n kaa koh-e-giraa.N ek pal me.n dhuaa.N na ho jaaye phir 'Majaz' in dino.n ye Khataraa hai dil halaak-e-butaa.N na ho jaaye Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
(#39)
|
|
Aapki dost
Offline
Posts: 7,325
Join Date: Feb 2008
Rep Power: 57
|
23rd March 2013, 12:32 AM
Rah-e-shauq se ab haTaa chaahataa huu.N koshish husn kii dekhanaa chaahataa huu.N Ko_ii dil-saa dard aashanaa chaahataa huu.N rah-e-ishq me.n rah_numaa chaahataa huu.N Tujhii se tujhe chhiinanaa chaahataa huu.N ye kyaa chaahataa huu.N ye kyaa chaahataa huu.N Khataao.n pe jo mujh ko maa_il kare phir sazaa aur aisii sazaa chaahataa huu.N Vo maKhmuur nazare.n vo mad_hosh aa.Nkhe.n Kharaab-e-muhabbat huaa chaahataa huu.N Vo aa.Nkhe.n jhukii.n vo ko_ii muskuraayaa payaam-e-muhabbat sunaa chaahataa huu.N Tujhe dhuu.NDhataa huu.N terii justajuu hai mazaa hai Khud gum huaa chaahataa huu.N Kahaa.N kaa karam aur kaisii inaayat 'Majaz' ab jafaa hii jafaa chaahataa huu.N Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
|
|
|
|
|
|
(#40)
|
|
Aapki dost
Offline
Posts: 7,325
Join Date: Feb 2008
Rep Power: 57
|
25th March 2013, 03:28 PM
phir chalii hai rel isTeshan se laharaatii hu_ii
niim-shab kii Khaamoshii me.n zer-e-lab gaatii hu_ii Dag-magaatii, jhuumatii, siiTii bajaatii, khelatii vaadii-o-kohasar kii Tha.nDii havaa khaatii hu_ii tez jho.nko.n me.n vo chham chham kaa sarod-e-dil-nashii.n aa.Ndhiyo.n me.n meh barasane kii sadaa aatii hu_ii jaise maujo.n kaa tarannum jaise jal-pariyo.n ke giit ik-ik lay me.n hazaaro.n zam-zame.n gaatii hu_ii naunihaalo.n ko sunaatii miThii miThii loriyaa.N naaz-niino.n ko sunahare Khvaab dikhalaatii hu_ii Thokare.n khaakar, lachakatii, gunagunaatii, jhumatii sar-Khushii me.n ghu.ngharuuo.n kii taal par gaatii hu_ii naaz se har mo.D par khaatii hu_ii sau pech-o-Kham ik dulhan apanii adaa se aap sharmaatii hu_ii raat kii taariikiyo.n me.n jhil-milaatii, kaa.Npatii paTariyo.n pe duur tak siimaab chhalakaatii hu_ii jaise aadhii raat ko nikalii ho ik shaahii baraat shaadiyaano.n kii sadaa se vazd me.n aatii hu_ii mu.ntashir kar ke fazaa me.n jaa-ba-jaa chi.ngaariyaa.N daaman-e-mauj-e-havaa me.n phuul barasaatii hu_ii tez-tar hotii hu_ii ma.nzil-ba-ma.nzil dam-ba-dam raftaa raftaa apanaa asalii ruup dikhalatii hu_ii siinaa-e-kohasar par cha.Dhatii hu_ii be-iKhtiyaar ek naagan jis tarah mastii me.n laharaatii hu_ii ik sitaaraa TuuT kar jaise ravaa.N ho arsh par rifat-e-kohasar se maidaan me.n aatii hu_ii ik baguule kii tarah ba.Dhatii hu_ii maidaan me.n ja.ngalo.n me.n aa.Ndhiyo.n kaa zor dikhalaatii hu_ii yaad aa jaaye puuraane devataao.n kaa jalaal in qayaamat-Kheziyo.n ke saath balakhaatii hu_ii ek raKhsh-e-be-inaa.N kii barq-raftaarii ke saath Kha.ndaqo.n ko phaa.Ndatii Tiilo.n se kataraatii hu_ii murG-zaaro.n me.n dikhaatii juu-e-shirii.n kaa Khiraam vaadiyo.n me.n abr ke maani.nd ma.Dalaatii hu_ii ik pahaa.Dii par dikhaatii aabashaaro.n kii jhalak ik biyaabaa.N me.n chiraaG-e-tuur dikhalaatii hu_ii justajuu me.n ma.nzil-e-maqasuud kii diivaanaavaar apanaa sar dhunatii fazaa me.n baal bikharaatii hu_ii chhe.Datii ik vazd ke aalam me.n saaz-e-saramadii Gaiz ke aalam me.n muu.Nh se aag barasaatii hu_ii re.ngatii, mu.Datii, machalatii, til-milaatii, haa.Npatii apane dil kii aatish-e-pinhaa.N ko bha.Dakaatii hu_ii Khud-ba-Khud ruuThii hu_ii, bifarii hu_ii, bikharii hu_ii shor-e-paiham se dil-e-getii ko dha.Dakaatii hu_ii pul pe dariyaa ke damaadam kau.Ndatii lalakaaratii apanii is tuufaan-a.ngezii pe itaraatii hu_ii pesh karatii biich nadii me.n chiraaGaa.N kaa samaa.N saahilo.n pe ret ke zarro.n ko chamakaatii hu_ii muu.Nh me.n ghusatii hai surango.n ke yakaayak dau.D kar dan-danaatii, chiiKhatii, chi.nghaa.Datii gaatii hu_ii aage aage justajuu-aamez nazare.n Daalatii shab ke haibatanaak nazzaaro.n se ghabaraatii hu_ii ek mujarim kii tarah sahamii hu_ii simaTii hu_ii ek mufalis kii tarah sardii me.n tharraatii hu_ii tezii-e-raftaar ke sikke jamaatii jaa-ba-jaa dasht-o-dar me.n zindagii kii lahar dau.Daatii hu_ii safaah-e-dil se miTaatii ahad-e-maazii ke nuquush haal-o-mustaqabil ke dil-kash Khvaab dikhalaatii hu_ii Daalatii behis chaTTaano.n par hiqaarat kii nazar koh par ha.Nsatii falak ko aa.Nkh dikhalatii hu_ii daaman-e-taariikii-e-shab kii u.Daatii dhajjiyaa.N qasr-e-zulmat par musal-sal tiir barasaatii hu_ii zad me.n ko_ii chiiz aa jaaye to us ko piis kar irtiqaa-e-zindagii ke raaz batalaatii hu_ii zom me.n peshaanii-e-seharaa pe Thokar maaratii phir subak-raftaariyo.n ke naaz dikhalaatii hu_ii ek sarkarsh fauj kii suurat alam khole hue ek tuufaanii garaj ke saath darraatii hu_ii har qadam par top kii sii ghan-garaj ke saath saath goliyo.n kii san-saanaahaT kii sadaa aatii hu_ii vo havaa me.n saika.Do.n ja.ngii duhal bajate hue vo bigul kii jaa.N-fazaa aavaaz laharaatii hu_ii al-Garaz u.Datii chalii jaatii hai beKhauf-o-Khatar shaayar-e-aatish-nafas kaa Khuun khaulaatii hu_ii Zainy PalkoN ki baand ko tod ke daaman pe aa gira Ek aaNsu mere zabt ki tauheen kar gaya... Nm |
|
|
|
|
|
|
 |
«
Previous Thread
|
Next Thread
»
| Thread Tools | |
| Display Modes | Rate This Thread |
Linear Mode
|
|
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com
Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com
