Arbaab-e-Zauq Ko Aadaab…!Dosto…! Janab Muneer Niyazi Sahab Ke Misra "Nazar Se Dil Ka Ghubaar Utra TO Main Ne Dekha" Par Meri Aik Kaawish Pesh Hai…Apni Besh-Qeemat Raaye Se Zaruuuur Nawaaziye Ga….
NAZAR SE DIL KA GHUBAAR UTRA TO MAIN NE DEKHA
Muhabbaton Ka Bukhaar Utraa To Main Ne Dekha
Bahaar Rut Ka Khumaar Utraa To Main Ne Dekha
Tumharay Seenay Ka Karb Sara Jo Mere Dil Me
Qataar Andar Qataar Utra To Me Ne Dekha
Wo Chaand Jo Meri Hasraton Ka Raha Hai Mehvar
Wo Mere Aangen Ke Paar Utra To Main Ne Dekha
Yaqiin Nahi Tha Mujhay Muhabbat Ke Moajazon Par
Magar Jo Dil Me Qaraar Utra To Me Ne Dekha
Tumharay Aanay Se Mere Weeran Dil Me JanaN
Jo Phir Se Rang-e-Bahaar Utra To Main Ne Dekha
Bahot Se Apne The Aasteenon Ke Saanp Hee Bass
Nazar Se Dil Ka Ghubaar Utra To Me Ne Dekha
AHMAD ALI SHAKIL