Kahe do tum iss

[ajay nidaan]

Dosto
aaj is section me mai apni ek ghazal jise maine appki shayri pariwaar se jo guidence mila aur meri ek diary me jo ghazal ka ek meter hotaa hai usi ke anusaar likhane ki koshish ki hai....yadi koi khata hue ho radeef aur kaafiye aur maktaa me to batayegaa.

Kahe do tum iss zamaane se
kaun bacha hai is afsaane se.

aate ho paas karte ho baate
na jaane kaise-2 bahaane se.

dil kaa pyar zubaa pe aaye
aag badhti hai bujhaane se.

tumhe pana chahta hai ye dil
pake fir se tumhe ganwane se.

ek aarzoo to poori ho gayi
mile liye apne is deewaane se.

kya batye kisi ko raaz-e-dil
dard ye rukta nahi sunaane se.

ab bhula do is pal ko achha hai
ehsaan rehta nahi jataane se.

[AHMAD SHAKIL]

Kahe do tum iss zamaane se
kaun bacha hai is afsaane se.
Ajay Nidaan Ji…. Yahan Aap Saani Misra Me Keh Rahay Hain…”Kaun Bacha Hai Is Afsaanay Se”…… Magar Yahan Bilkul bhi Waazeh Nahi Ho Raha ke Kis Afsaanay Se…. Aisay Sher Ko Be-wazan Kehtay Hain….


aate ho paas karte ho baate
na jaane kaise-2 bahaane se.


hmmmmmmm….acha hai

dil kaa pyar zubaa pe aaye
aag badhti hai bujhaane se.


khoob kaha…. Acha laga… DAAD

tumhe pana chahta hai ye dil
pake fir se tumhe ganwane se.


“Ganwaane se” Kia hota Hai…? Ganwanay Ke Liye TO Theak Hai… Magar Jo aap ne Kaha , Is Se Matlab Waazeh Nahi Ho Raha…..

ek aarzoo to poori ho gayi
mile liye apne is deewaane se.
Theak Hai Janab….


kya batye kisi ko raaz-e-dil
dard ye rukta nahi sunaane se.


Wahhh Wahhh… Khoob Kaha…

ab bhula do is pal ko achha hai
ehsaan rehta nahi jataane se.
Wah… Boht Khoob…..

Janab Ajay Nidaan ji…..! Achi Lagi aap Ki ye Kawish…… Likhtay Rahiye…..Khush Rahiye….

[ajay nidaan]

Ahmad Bhai

shukriya janaab bas koshish kar raha hu ki ek sahi meter me ghazal ko dhal saku. aage aur gahari koshish karta hu.