Khamosh ho kyoun Daad-e-Jafaa kyouN nahiin dete
Bismil ho to qaatil ko Duwaa kyouN nahiin dete
Vahashat kaa sabab Rouzan-e-ZindaaN to nahiin hai
Mahar-o-Maah-o-Anjum ko bujhaa kyouN nahiin dete
Ik ye bhii to Andaaz-e-Ilaaj-e-Gham-e-JaaN hai
Aye chaaraagaro dard baDhaa kyouN nahiin dete
Munsif ho agar Tum to kab Insaaf Karoge
Mujrim hai agar ham to Sazaa kyouN nahiin dete
Rahazan ho to haazir hai Mataa-e-Dil-o-JaaN bhii
Rahabar ho to manzil kaa pataa kyouN nahiin dete
Keyaa biit gayii ab ke "Faraz" Ahal-e-Chaman par
Yaaraan-e-Qafas mujh ko sadaa kyouN nahiin dete
*Writer: Ahmed Faraz Jee**
*Keep Smilling.......
**