tujhase rista main toD jaaunga, main tera shahar chhoD jaunga

[akant]

esse pahale ke yaad tu aaye,
meri aankhoN mein phir lahu aaye,
tujhase rista main toD jaaunga,
main tera shahar chhoD jaunga,
main tera shahar chhoD jaunga..

mujhako gum hai teri judaaie ka,
ranz hai apani bewfaaie ka,
apane vaade se phir gaya hoon main,
apani najaroN se gir gaya hoon main,
esse pahale ki tu mujhe chhoDe,
mujhako Thukarye mera dil toDe,
apana dil khud main toD jaunga,
main tera shahar chhoD jaunga..

tera mujarim main tera harjaaie,
saath le jaaungaa ye rushvaaie,
daag daaman se ye miTa dunga,
khud ko etani baDee saja dunga,
esse pahale ke log taane deN,
tere aanshu na mujhako jaane deN,
ye talluuk main toD jaunga,
main tera shahar chhoD jaunga..

haN mera entajaar to hoga,
ab bhi kuchh aitbaar to hoga,
tu khula chhoD degi dervaja,
per galat hai ye tera andaja,
esse pahale ke aah dil bher de,
sab gunahoN ko maaf tu ker de,
ye bharam bhi main toD jaunga,
main tera shahar chhoD jaunga..

esse pahale ke yaad tu aaye,
meri aankhoN mein phir lahu aaye,
tujhase rista main toD jaaunga,
main tera shahar chhoD jaunga..
main tera..shahar chhoD jaunga..


One of the fevourite song of my sung by Late Kishore Kumar...Akant