Bikhre hue alfaaz..!! -
4th December 2015, 04:10 PM
Bikhre hue alfaaz the... sehme hue ehsaas the...
Thukraya jab zindagi ne... bas tum mere paas the....
Aankhon ki muskaan bane...
Tum dhadkan ki pehchaan bane...
Nazmo ki aawaaz bane... tum shabdon ke ehsaas bane....
Subah ki angdai the tum... shaamo ki ruswai the...
Doori thi meelo ki fir bhi... meri tum parchhai the..
Roothi to manaya tumne... roi gar hansaya tumne...
Galtiyo pe daanta kabhi... kabhi pyaar se samjhaya tumne...
Thapkiyo ke haath the tum... meri tanhai ka saath the...
Thak k jiski aagosh mein soi... taaron bhari wo raat the....
Aai phir ek shaam haseen... jab saath the tum paas the...
Hothon pe the kisse kai... ankhon mein kai ehsaas the...
Lamhon se thi tez dhadkanein.... bikhri bikhri saasein thi....
Kuch thi nasheeli raat aur behki behki baatein thi...
Mujh ko mujhse pehle samjha.... Mujh ko mujhse pehle chaaha...
Jismo ka chuna to bas riwaaz tha... Tumne meri rooh ko chuaa...
Dil ko yakeen hua tab jaake... tum hi wo intzaar the...
Chaaha tha jisko chahat se zyada... tum wo aakhri pyaar the...
Bikhre hue alfaaz the... sehme hue ehsaas the...
Thukraya jab zindagi ne... bas tum mere paas the....
Go zaraa si baat par barsoN ke yaaraane gaye...
par itnaa to huaa, kuchh log pahchaane gaye...
|