Father ki Yaad Main

[Abid_Majaaz]

Beethi Zindagi main mehrbaan Paapa tha,
Meri Raat-o- Nagehbaan Paapa tha,
Kuch to Ammi Ki Mehrbaani thi,
Kuch meri Rooh o Jaan Paapa tha,
Meri Khuahishon Pe Qurbaan hazaar baar,
Aur wajood pe bhi Qurbaan Paapa tha,
Main to kuch bhi na tha na pehchaan thi meri,
Meri zameen mera Aasman Paapa tha,
Wo parhaya bhi mujhe wo likhaya bhi,
Meri chaahat ka kaarwan Paapa tha,
Mera kaaba mera imaam paapa tha,
Meri Azmat ka ik Nishaan Paapa tha,

Mere Paapa tujhe Salam kehta hun,

Khud ko main tera Ghulaam kehta hun,

Teri ULfat main ek sakoon sa tha,
Tere Ghussay main ek junoon sa tha,

Teri Chaahat main Raahnumayi thi,
Tere ghussay main bhi bhalayi thi,

Phir na jaane ye kya howa mujhko,
Shikva Paapa se bhi howa mujhko,

Apne Paapa ko main bhool gaya,
Apni dhun main hi mein jhool gaya,

Apne baazo ki taaqatein dekh kr,
is khushi se hi main phool gaya,

Phir main logon ko bhi gur sikhane laga,
Apne Paapa ko rasta dikhane laga,

Haaye meri bewaqofi k kehne hain kya?
Apni jannat ko main Aazmane laga,

Jisko dekhne ka Sawaab tha Haj jesa,
Ab usi Baap ko main Satane laga,

Mere Allah meri badnaseebi ko dekh,
Apni Ammi ko bhi main Rulane laga,

Ab mujhe hosh Aaya to kya faayida??
Mera Paapa to dunya se Jaane laga,

Apne Paapa k Paaon main jhukte Raho,
Main sabhi ko ye Naghme Sunane laga,

Khuda sb k Paapa ko Salamat Rakhe Majaaz,
is Dua main,main jeevan bitaane laga,

Roshni Sooraj ki Mehtaab Paapa tha,
Meri Khaatir to Betaab Paapa tha,

Kuch to Ammi ki Mehrbaani thi,
Kuch meri Rooh o Jaan Paapa tha...

The Poet;
Abid Afzal Majaaz S/O Khana Gul..Now a days Teaching in Al Khalid Grammar High School Karachi Pakistan.
Poetry book:
"Adhuray Khwaab"
Email:
AbidAfzal2011@gmail.Com
Phone:
+923149815410.