khud se mujhko ek shikayat..

[Madhu 14]

Khud se mujhko ek shikayat,Kal bhi thi aur aaj bhi hai...
Aasmaan ke chand ki chahat,Kal bhi thi aur aaj bhi hai.

Jiski nazar ne kabhi na dekha,Tarasati meri nazron ko..
us dilbar ke deed se rahat,Kal bhi thi aur aaj bhi hai.

Khushi mili to raas na aayi,Gam se hi yaree kar li..
nadaan dil ki aisi aadat,kal bhi thi aur aaj bhi hai.

Milne ko to khoob mile hain,Log hame bhi rahon me..
Lekin us kafir se mohabbat,Kal bhi thi aur aaj bhi hai.

Aksar bheega milta hai sirhane ka takiya bhi..
Ishq me dil ki aisi haalat kal bhi thi aur aaj bhi hai..

Lakh bura ho par na jane kyon vo mujhko bhata hai..
Pyaar usi se meri ibadat kal bhi thi aur aaj bhi hai.

Yoon to dil sab janta hai farebi duniya ki batein
Dil todne ki use ijazat kal bhi thi aur aaj bhi hai.