Quote:
Originally Posted by maikasH
ham ko mitaa sake ye zamaane meiN dam nahiiN
ham se zamaana khud hai zamaane se ham nahiiN
be'faayada alam nahiiN, bekaar Gham nahiiN
taufeeq de Khuda to ye ne'mat bhi kam nahiiN
meri zubaaN pe shikwa-e-ahl-e-sitam nahiiN
mujh ko jaga diya yahi ehsaan kam nahiiN
ya rab! hujuum-e-dard ko de aur vus'ateN
daaman to kya abhi meri aaNkheN bhi nam nahiiN
zaahid kuch aur ho na ho maikhaane meiN magar
kya kam ye hai ki shikwa-e-dair-o-haram nahiiN
shikwaa to ek chheD hai lekin haqeeqatan
teraa sitam bhii terii inaayat se kam nahiiN
marg-e-"Jigar" pe kyuN teri aaNkheN hai ashk'rez
ik saanihaa sahi magar itni ahm nahiiN
|
Sub'hanAllah! Kya baat haye! Maikash Saahab you made our day!!! Thank You So much for bringing us this masterpiece!!!