Quote:
Originally Posted by maikasH
adaab hazreen,
ba-sad-mazrat salaam,
Shoaib, Anu, Sunita Jee, Sarika aur Madhu se khaaskar muaafi ka talabgaar hooN, itni muhabbatoN ke ba-wajood maiN inke khatoN ka jawaab naeeN de paata, meri naalaayiqui hai, ummed hai aap muaaf kar deNge
nazm bohat kam likhta huuN, kul milaa kar 5 ya 6 raqm hui hoNgi aaj taq. yeh koi 15 saal puraani nazm hai, mulaizza farmaiiye
mere khwaaboN ki jannat ka nazaraa haiN teri aaNkheN
hujuum-e-Gham meiN khushiyoN ka ishaara haiN teri aaNkheN
yeh pech-o-kham jo zulfoN ka kabhi maathe pe lehraaye
jabeen-e-arsh pe goya GhaTaa kaali si bal khaaye
teri baateN haiN jaise chaandii ta'riiKh raatoN meiN
tabassum ye tera jaise ki sehra meiN ho barsaateiN
tujhe har raNg har aNdaaz meiN maine hasiiN paaya
bohat haiN maahjabiiN dekhe kahiiN tujhsa nahiiN paaya
tu voh tasveer hai jiska mussavir khud bhi hairaaN hai
tu kya hai khud naeeN tu jaan'ti, haaye , itni naadaaN hai
mujhe yeh ilm hai tumne bohat sadme uThaaye haiN
tumhari zeest par haavi Gham-e-dauraaN ke saaye haiN
tumhe shikwa bada hai apne maaThe ki lareekoN se
khafaa hooN maiN haram ke paasbaanoN ki zaNjeeroN se
baRaa jee chahta hai tujhko baahoN meiN chhupa luuN maiN
tere har dard ko apne kalejey se lagaa luuN maiN
tere pairoN ke kaaNTe apni palkoN se uThaa luuN maiN
meri jaanaaN jo ho mumkin tujhe apna banaa luuN maiN
muhabbat tujhse hai itni ke maiN batlaa nahiiN sakta
tujhe maiN chaah to sakta huuN lekin paa nahiiN sakta
ummiidoN ke khilonoN se bhi jee behlaa nahiiN sakta
tujhe maiN chaah to sakta huuN lekin paa nahiiN sakta
tujhe maiN chaah to sakta huuN......
lekin.....
paa nahiiN sakta!
to be continued........
rab raakha
maikash
|
waah wah wah waahh kyaa baat hai kyaa umdah ehsaas hain kyaa andaaze bayaan hai.......
saahab ise kahte hain quality work..... kam hain magar shaandaar nazm hain aapki bhaijaan.....
tahe dil se daad aur mubaarakbad.......
to be continued likh ke aapne to intzaar ki shuruiaat kar di..... agle part ka intzaar rahega
Shaad...