Koi, Din, Gar Zindagaani Aur Hai.... (Mirza Ghalib)

[Hassan]

koi, din, gar zindagaani aur hai
apne jee meN hum ne thaani aur hai

aatish-e-dozakh meN ye garmi kahaN
soz-e-gham-e-nihaani aur hai

soz-e-gham-e-nihaani : internal burn

baar-ha dekheN haiN un ki ranjisheN
par kuch ab ke sar-giraani aur hai

baar-ha : generally
sar-giraani : naarazgi

de ke khat moonh dekhta hai naama-bar
kuch to paigham-e-zabaani aur hai

naama-bar : postman

ho chukiN "Ghalib" balaayeN sab tamaam
aik marg-e-naagahaani aur hai

balaayeN : troubles
merg-e-nagahaani : sudden death


-Mirza Asadullah Khan Ghalib