Iss qadar mai anjuman se terey ruswaa ho ke nikla
Pur-musarrat aaya tha mai par fasurdah ho ke nikla
Aaye thai shirkat karne terey bazm mai hum ba-jam’aat
Iss qadar ruswaa hua aakhir mai tanha ho ke nikla
Ek tamanna thi panaah-e-ishq mai aaney ki teri
Iss qadar ghaarat hua ke be-tamanna ho ke nikla
Baarha kartey rahey tum waar yu teer-e-nazar se
Kya kahu yaaro mai toh zakhmi saraapa ho ke nikla
Beh raha tha dard ka darya nigaaho se musalsal
Kya kahu aye humnafas tab bhi mai pyasa ho ke nikla
Haisiyat gard-e-zameeN ke bhi baraabar na thi pehle
Ab gaya jiss bazm mai mauzu-e-charcha ho ke nikla
Kya kahu teer-e-nazar kha kar bhi ye fitrat na badli
Ishq ka maara mujahid tera shaida ho ke nikla
FEW MEANINGS
Anjuman= association/gathering/bazm
·Pur-musarrat= happily
·Fasurdah= dejected
·Ba-jam’aat= with a group
·Ghaarat= plundered
·Baarha= many times/again & again
·Saraapa= from head to foot
·Musalsal= continous
·Humnafas= lover/friend/companion
·Gard-e-zameeN= dust of the surface
·Mauzu-e-charcha= debatable topic
·Shaida= maverick