Abhi kahan .......... -
30th June 2003, 02:18 PM
Aadaab doston,
ek baar phir aapki khidmat main hazir hoon..doston hum main se
aksar o beshtar apni kisi na kisi tay ki hui manzil ki taraf
gaamzan hai.........kuch usi pasmanzar main ek nazm qalamband ki
hai....aap baashaoor hazraat ki nazr e inayat
chaahoonga...mulahiza farmayein.......
"Abhi kahan neendon ka silsila, abhi jaana hai bohat door tak,
Abhi jism mera thaka nahin , abhi jaana hai bohat door tak.
Yahan rukoon, wahan rukoon,kyon ho qadam qadam pe ehtiyaat,
Mere dil main hai hausla , abhi jaana hai bohat door tak.
ehtiyaat------ caution
Yeh hikaayatein,yeh khwahishein,yeh mohabbatein,yeh chhahatein,
Abhi mujh se rahein door hi, abhi jaana hai bohat door tak.
hikayatein----- stories
Mera zikr na kar abhi, rakh door mujhe apni soch se,
Rahoon door nigaah se teri,abhi jaana hai bohat door tak.
Yeh khalaa tere mere beech ka ise faasle ka na naam de,
Yeh hain waqt ki maslihatein, abhi jaana hai bohat door tak.
khalaa------- gap, maslihatein-- desirableness,expedience
Yeh rishton ke bandhan 'Adil' pakeeza to zuroor hain,
Na karein maazoor mujhe, abhi jaana hai bohat door tak.
pakeeza--- pure, neat mazoor--weak, excusable
NAzm ko mehsoos karne ki koshish kijiyega aur agr islaah mumkin ho to main behad shukrguzaar rahoonga..
mukhlis
Adil
"'Adil' ne zabaan kholi thi such bolne ke waste,
Bardasht na kar sake log shayar bana diya"
MOHD.ADIL QURESHI
Snowy Mountains Engg. Corporation(SMEC)
A-1, Ist Floor,Chiragh Enclave
New Delhi-48
Tring Tring-09350815681
|