*Nazar Fareb-e-Qazaa~E. Danish Jee**

[Shimul]

Nazar *Fareb-e-Qazaa* khhaa gayii to keyaa hogaa
Hayaat maut se Takraa gayii to keyaa hogaa
*Illusion of death**


Nayii sahar ke bahut log muntazir hain magar
Nayii sahar bhii kajalaa gayii to keyaa hogaa


Na rahanumaaon kii majalis mein le chalon mujhko
Main be-adab houN haNsii aa gayii to keyaa hogaa


Gham-e-Hayaat se beshaq hai Khudakushii aasaaN
Magar jo maut bhii sharmaa gayii to keyaa hogaa


*Shabaab-e-Laalaa-o-Gul* ko pukaarnewaalon
*KhizaaN-e-Sirisht* bahaar aa gayii to keya hogaa
*Beauty of flowers**
*In the form of fall/winter**



Ye fikar karr ki iss *Aasoudagii ke dhoke mein
Terii Khudii ko bhii maut aa gayii to keyaa hogaa
*Contentment**


Khushii chhinii hai to Gham kaa bhii *aitamaad na karr
Jo Ruuh Gham se bhii ukataa gayii to keyaa hogaa
*Trust**


*Writer: Ehsaan Danish Jee**


*Keep Smilling.......**

[Daanish_ Hyd]

Thx Shimul
bohat umda ghazal hai Ehsan Daanish saheb ki.
kya ghazab ka matla hai!
Nazar fareb-e-qazaa khhaa gayii to keyaa hogaa
Hayaat maut se takraa gayii to keyaa hogaa

thanks again, for sharing this with all of us.

khair andesh

[Shimul]

Originally posted by Daanish_ Hyd
Thx Shimul
bohat umda ghazal hai Ehsan Daanish saheb ki.
kya ghazab ka matla hai!
Nazar fareb-e-qazaa khhaa gayii to keyaa hogaa
Hayaat maut se takraa gayii to keyaa hogaa

thanks again, for sharing this with all of us.

khair andesh

Dear Daanish, Hope You Are Well Jaankar Dil Ko Bohot Achchha Laga...**Dil Ki Gehraaion Ki Gehraaion Se Dher Saare Phoul,Shukriya **Khush Rahiye ye Duwaaon ke saath ijaazat... **Duwaaon Mein Yaad Rakhhiyega...**Khush Rahiey ye Duwaaon ke saath ijaazat...**Take Care**...*God bless You.**

[balvinder]

shimul ji mujhe yakeen hai ke aap jahaan bhee hain khush hongee aour bahut khush rahiye.ab ek ghazal daanish sahab kee hamaaree jaanib se aap ke liye.......

kabhii mujh ko saath lekar, kabhii mere saath chal kar
vo badal gaye achaanak merii zindagii badal kar

huye jis pe meharabaa.N tum ko_ii Khush_nasiib hogaa
merii hasarate.n to nikalii.n mere aa.Nsuuo.n me.n Dhal ke

terii zulf-o-ruKh ke qurbaa.N dil-e-zaar Dhuu.NDhataa hai
vahii champa_ii ujaale vahii surama_ii dhu.ndalake

ko_ii phuul ban gayaa hai ko_ii chaa.Nd ko_ii taaraa
jo chiraaG bujh gaye hai.n terii a.njuman me.n jal ke

mere dosto Khudaaraa mere saath tum bhii Dhuu.NDo
vo yahii.n kahii.n chhupe hai.n mere Gam kaa ruKh badal ke

terii bejhijhak ha.Nsii se na kisii kaa dil ho mailaa
ye nagar hai aa_iino.n kaa yahaa.N saa.Ns le sambhal ke