Kya bachpan dohraoge?
Beete din yaad dilaoge?
Bhar ayengi ankhein barbas,
Jab laut kar piche jaoge.
Dhoodhiya hontho par kachi hansi,
Kya ussey wapis la paoge?
Voh jhoole, voh geet, voh masti,
Kya vaise fir hass paoge?
Surili lori ki woh meethe nind,
Aaj na vaise paoge.
Sache dilo ki massom baate,
Ab na tutla ke keh paoge.
Bade ho kar dukh sehna,
Ess sach ko jhoothla paoge?
Kho gaye hao woh fusat ke lamhe,
Unko fir dhoodh laoge?
Kya bachpan dohraoge?
Beete din yaad dilaoge?