Ek Tuutii Huii Zanjiir Kii Fariyaad Hain Ham -
10th December 2009, 05:06 AM
Ek Tuutii Huii Zanjiir Kii Fariyaad Hain Ham
Aur Duniyaa Ye Samajhatii Hai Ke Aazaad Hain Ham
Kyon Hamen Log Samajhate Hain Yahaan Paradesii
Ik Muddat Se Isii Shahar Mein Aabaad Hain Ham
Kaahe Kaa Tark-E-Vatan Kaahe Kii Hijaarat Baabaa
Isii Dhartii Kii Isii Desh Kii Aulaad Hain Ham
Ham Bhii Taamiir-E-Vatan Men Hain Baraabar Ke Shariik
Dar-O-Diivaar Agar Tum Ho To Buniyaad Hain Ham
Ham Ko Is Daur-E-Taraqqii Ne Diyaa Kyaa "Meraj"
Kal Bhii Barbaad The Aur Aaj Bhii Barbaad Hain Ham...!!
Meraj Faizabadi
Mohabbat ke baad mohabbat mumkin hai faraz.
Magar toot ke chahna sirf ek baar hota hai
Goodbye SDC
Diya
Last edited by Diya_Jale; 10th December 2009 at 05:09 AM..
|