Shumaila ji
aadaab
mubarkabaad qabuul kijiye.......ye aapki behtariin kavish hai.....bohat khuub......!!
>>W'ADAAB maikasH SAHAB!!BAHUT BAHUT SHUKRIYA JANAAB
ghazal pe bah'r ki pakaD bataa rahi hai ke zaroor koi ustaad shayar aapke qaabu meiN aa gaye haiN...
>>MERE SARE HI DOST MUJHKO USTAAD LAGTE HAIN KYONKI MAI TO KHUD USTAAD NAHI HON NA..lol GHAZAL PE BEHER KI PAKARH YA BEHER PE GHAZAL KI PAKARH ACHI HAI ISKA PATA TO AAP DOSTON KO ZYAADA HOGA..MUJHE KAHAN ITNA PATA..MAI TO APNE EHSAAS SHER MAI DHALNA SEEKH RAHI HON SO MAI NE WAHI KIYA HAI...HAN EK DOST NE ZAROOR MADAD KI HAI....WAISE TO GHAZAL KE POORE KHAYAL MERE HI HAIN BAS THORI LAFZON KI HER PHER HAI
baharhaal....ghazal paDhii.....bohat achchii lagii....
>>SHUKRIA DOBARA
ek do jagah kuch taqniquii khamiiyaN nazar aayiiN.....apne taa'suraat pesh karne ki gustaakhii kar raha huuN....
>>AREY ZAROOR KAREIN..KE BE-AIB TO KHUDA KI ZAAT HAI ...HUM TO THEHRE INSAAN GHALTIYAN KARNA TO KADAM KADAM PE LIKHA HAI
mai kar chuki hoN tujhse to iqraar pyaar ka
izhaar kar ke khud bhi mera aitebaaar rakh
iss she'r meiN kuch gaDbaD mehsuus huii......
pehle misrey meiN "tujhse to" ka istemaal munaasib nahiiN lagaa.....misrey ko paDhne se yeh gumaaN hota hai ke aap "unse to" izhaar kar chukii haiN ab shayad "zaamane" se ya kisi aur se karna chahtii haiN....
>>AREY YE KYA ??!! YE KYA KEH RAHE HAIN AAP?KYA HAMARE SHER SE AISA GUMAAN HUYA... WAISE AAP KI BAAT PARHNE KE BAAD KAYI DAFA HUMNE IS MISRE KO DUBARA PARHA LEKIN NA JAANE HUME AISA KYON NAHI LAGA..SHAYAD ISLIYE KE SHER HUMNE LIKHA TO MAAYNE HAMARE ZEHEN MEIN BAITH CHUKA HAI
Iska ek hal jo mujhe suujhaa, mulaizaa kijiye......
iqraar maiN to kar chukii huuN tujhse pyaar ka
ab agar aap ga'ur farmaayeN to aapko mehsuus hoga ki iss tartiib se misra paDhne se ye saaf hua ke aap to apni taraf se to iqraar kar chukii haiN ab unse kuch tavvako hai......
>>MASHWARE KA BAHUT SHUKRIA maikash SAHAB...JI BILKUL YE HI MERA MATLUB THA....MAGAR SACH KAHOON TO MUJHE WAISE DONON MAI ZIADA FARQ NAZAR NAHI AAYA ..MUJHE APNE PEHLE SHER SE BHI YE BAAT SAAF ZAAHIR HO RAHI HAI AUR AAPKE MISRE SE BHI ..SHAYAD MERI KAM AQLI KA NATEEJA HAI
aur maqta....
RaaheiN bahut kathin haiN shumaila ye pyaar ki
qabu mai dil ko rakh ,magar itna na yaar rakh
pehla misra bohat khuub hai.....aapke takhallus ne misra purwazan kar diya...mubarak.....
>>NAWAZISH
>>lekin doosre misre meiN aap kya kehna chahtii haiN ye zaahir nahiiN hua....agar aap ye kehti haiN ke "dil ko qaabu meiN rakh magar itna bhi qaabu meiN na rakh" to mere hisaab lafz "yaar" se baaqi lafzoN ka rabtaa kuch kamzor hai......ye mahaz meri rae hai....ya mere dimaag ka khalall keh lijiye.....
>>MAI TO KOSHISH KARTI HOON SEEDHE SAADHE LAFZON MEIN LIKHNE KI AUR YAHAN BHI HUMNE BOLCHAL KI ZABAN MAI SHER KAHNE KI KOSISH KI HAI...MAGAR YE JO BAAT AAPNE KAHI HAI KISI AUR NE HUMSE IS BAAT KA ZIKR KIYA HAI...KYA AAP ISKA KOI HAL BATA SAKTE HAIN JISSE MERI BAAT WAAZE HO JAYE KE HUM KYA KEHNA CHAH RAHE HAIN?
baharhaal ye to tanqiid hui...ab taariif ki baari hai.....
>> TAREEF US KHUDA KI JIS NE HAMEIN AUR AAP SAB KO BANAYA
Aye dil khuda ki zaat pe, tu ayetebaar rakh
paiwasta rah shajar se umeed e bahaar rakh
matla khuub hai
>>SHUKRIYA
mai dagmaga ke doob na jaoN unhi mai phir
ankhoN ke sagharoN mai na itna khumar rakh
bohat hi khuub.....umdaa she'r hai...mubarak...!!
>>MUJHE BHI APNA YE HI SHER SABSE ZYAADA PASAND HAI..SHUKRIYA
lagta hai dar, ke tujh se zamaana na cheenle
Mujhko chupa ke khaana e dil mai tu yaar rakh
mashah allah.....kya kehne....kyaaaa kehne...!!
>>PHIR SE SHUKRIYA
lamhoN ko qaid karle aur batoN ko kar raqam
jo ho sake to khushioN ki har yaadgaar rakh
baRhiyaa she'r hai......bohat achche
>>NAWAZISH
aapne zikr kiya ke aaj-kal aap bohat kam likh paa rahiiN hai....yaqiin kijiye ye baat aap ke andar cHupi hui shayra ke liye baDii mufeed saabit hogi......zaahir hai ab aap "quantity" ki jagah "quality" pe zor dena chahtii haiN.....mujhe ye jaan kar bohat khushii huii....meri har duaa aapke saath hai aur isi tarah agar aap mehnat karti rahiiN to yaqiinan ek din aap bina islaah ki talab kiye achchi ghazal keh paayeNgii
>>JI BAS DUAA KIJIYE KE JAB TAK HUM KOI GHAZAL BINA ISLAAH KE NAHI LIKH LENGE HUME WOH POORA SATISFACTION NAHI MILEGA
phir se iss "dard-e-sir" ki taraf se mubarakbaad kabuul kijiye
>>ALLAH KARE YE SIR DARD ROZ AAYE..LOL...J/K
aadaab
maikasH
>>W'ADAAB AUR DIL SE SHUKRIYA TANQIID AUR TAAREEF DONO KA...UMEED HAI AAYENDA BHI AISE HI APNE TAASURAT PESH KARTE RAHENGE AAP!!
DUAOON KE SAATH,
SHUMAILA