eik nasri nazam(qaatil) -
21st July 2002, 08:10 PM
loogon suno!
mein qaatil hoon,mein qaatil hoon
mugh per elzam-e- qatal hay
meray sar per latadad,
janoon ka qatal hay
aur mein is elzam ko,
bakhushi qubul karta hoon
haan!mein nay khud qatal kyia hay
haan!mein qaa til hoon
yeah zameen aasmann,
dar-o-dewar sab gawah hein
haan!mein nay
raat ki tarekhi mein
naumeedi kay sahil pay
baybassi kay khanjer say
dil kay maqtal mein
un nazuk nazuk se,
khaeishoon ko,
un sunaheray khawboon ko,
aarzoon ko,
tamanoon ko,
badi safaki say
qatal kar dala
thanks
|