Mod of the Month (MOTM) -
3rd June 2015, 03:17 PM
Pyaare doston...
kaise hain aap.. ummeed karta hoon sab apne apne kaam dhaam me masroof hone ke baavjood apnii pyaarii SDC ke liye waqt nikaal rahe honge.....
jaisaa ke aap jaante hain ke SDC me samay samay par koi nayee pahal , yaa nayaa silsilaa shuru kiyaa jaataa hai, jiskii wajah se hamaare members isko aur bhii zyaada enjoy kar paate hain....
ye silsile shuru karne ka maqsad bhi yahi hotaa hai ke members , team mates ko nayaa josh mile, wo motivate hon aur zyaada se zyaada is jagah ko apnaa samay samarpit kar sakeN, taaki ye site ek din duniyaa ki sabse mash'hoor shaayarii site ban sake.....
recently hamne Shayar of the month ki shuruaat kii thii, jo ki kaafii safal bhii saabit huii aur hamaare hi site ke ek saahebaan , janaab Hassan Saahab iske pahle winner saabit hue hain, tahe dil se mubaarakbaad..... and all the best to all of you for next time...
is baar aisaa hi kuch sochte hue hamne ek aur silsilaa shuru karne kaa sochaa jise Moderator of the month, ya Mod of the month ka naam diyaa jaa raha haii...
jaisaa ke naam se maloom ho rahaa hai isme har mahine ek sarvshresth moderator ka chunaav hogaa, jo apni kaabiliyat ke bal par is upaadhi ke haqdaar honge.... MOTM ka selection unke performance, SDC ke liye unke waqt , moderator action, member interaction aur bahot se parameters pe depend hogaa... existing Moderators aur Admin team ek dusre ki performance pe nazar rakhte hue is chunaaw me hissa lenge aur vijetaa Moderator ko MOTM ki upaadhii dii jaaegii...... aur har month new Mod of the month ka naam declare kiyaa jaaega......
hame ummeed hai ke aapka pyaar, duaaen aur aashirwaad hamaare saath hameshaa hi ki arah is baar bhii banaa rahegaa, taaki is pahal ko bhi ham kaamyaabi ke shikhar tak le jaa sakeN....
aapke ham-kadam.... aapke ham-safar
SDC Mods team.............
Last edited by sameer'shaad'; 3rd June 2015 at 05:03 PM..
|