Quote:
Originally Posted by mujib66
Mujh ko afsurdah kar gaya koi
Ashk ankhon men bhar gaya koi
Main to dil deke khoob pachtaya
Ley ke dil jab mukar gaya koi
Aake chahat ki basti se meri
Chupke chupke guzar gaya koi
Pyar ki pyas jaagi ankhon men
Deke aisa asar gaya koi
Shehd kehna use nahin tha theek
Eh mujhe bol kar gaya koi
Apne dardo alam ka bhari bojh
Laad kar mere sar gaya koi
Eh teri nazron ki nashili sharab
Pii ke gham se ubhar gaya koi
Justuju banke meri aankhon ki
Mere dil men utar gaya koi
Isse bhi achhi baat kya hogi
Gar wafa men sanwar gaya koi
Iska afsos mujh ko bhi hoga
Raahe ulfat se gar gaya koi
Logon ne usko dekha aur kaha
Husn ka jadugar gaya koi
Zindegi men eh hota hai Parwaaz
Door noore nazar gaya koi
Some meanings
Afsurdah- Glumy/ Deactivated
Ashk - Tears
Shehd- Honey
Alam- Sigh/ Sorrow
Justuju- Search
Ulfat- Love
Husn-Beauty
Mujeeb Parwaaz
|
waah Mujeeb bhai kamaal behad umdaa ghazal huyi..likhte rahiye