Ham ko raas aayi botal sharaab ki

[Hardev Ashk]

Aapke saamne eik kalaam haazir hai Qawaali ke rang mein. If you hum it as a Qawaali I am sure you will enjoy it. It depicts another aspect of drinking when it goes out of control. Aapke comments ka intzaar rahega
Hardev Ashk

HAMKO NA RAAS AAYI BOTAL SHARAAB KI

Hamko na raas aayi botal sharaab ki
kyoN saaki hameiN pilaayee botal sharaab ki

pahle to isne hameiN deewaana kar diya
fir logoN se door lo apnoN se begaana kar diya
ban gayi jag haNsaayi botal sharaab ki
kyoN saaki hameiN pilaayee botal sharaab ki

gam ka bahaana kabhi khushiyaaN bani Wajhaa
itna piye ki dilo.o.jigar jalaa liyaa
aisi thi ashnaayi botal sharaab ki
kyoN saaki hameiN pilaayee botal sharaab ki

jeeneiN ki hasratoN meiN peeneiN lage sabhi
madhosh hokar bhi kaheiN “hosh hameiN abhi”
har riNde ki logaayi botal sharaab ki
kyoN saaki hameiN pilaayee botal sharaab ki

‘Ashk’ tauba, tauba, tauba jo ki jiye
Dushman ko dosti ka mauka na di jiye
Kar na saki bhalaayi botal sharaab ki
kyoN saaki hameiN pilaayee botal sharaab ki


taufeeq mere dil ko aisi Khuda de
dushman ko seene se lagaane meiN mazaa de
Hardev Ashk